Di Mien Ting We Did De Iina Gad Ous

25:9, 21, 22

Di Aak did a di muos impuotant ting iina Gad ous an di Izrelait dem kyamp. Wen dem si di kloud bitwiin di tuu cherob dem we did de pan di kova a di Aak, dat did mek dem nuo se Gad de de wid dem. Pan di speshal die wen piipl go fi get dem sin paadn, di liida fi di priis dem wuda go iina di Uoliyis Plies an splash di bul an di guot blod infronta di kova a di Aak so dat di Izrelait dem kuda get paadn fi dem sin dem. (Le 16:14, 15) Dis mek wi si wa Jiizas, di biga Liida fi di Priis dem, wuda du wen im go bifuo Jeuova iina evn an gi im wa im laif did wot so wi kuda get paadn fram wi sin dem an di chaans fi liv fi eva.​—Iib 9:24-26.

Mach op dem skripcha ya wid di tingz dem we wi kyan get kaaz Jiizas did kom ded fi wi:

SKRIPCHA

• 1Jan 1:8, 9

• Iib 9:13, 14

• Ruo 6:23

TINGZ WE WI KYAN GET

• di chaans fi liv fi eva

• paadn fi wi sin dem

• wan frii kanchens

Wa wi fi du fi get dem gud sitn ya?