Di Ting dem we Gad Kriyiet Bring Im Priez

1. Wen wi luk op an si di muun an staar dem,

It toch wi aat so diip.

Jeuova Gad so griet!

Di ting dem we fi wi Faada kriyiet

Priez Gad abov an shuo im lov.

Dem elp wi bil wi fiet.

2. Jeuova Gad, yu Laa swiita dan oni

Kaaz ef wi yong ar uol,

A it a gi wi laif.

Yu duohn waahn wi fi figet aal yu du;

Yu yuuz yu Wod rimain wi bout

Yu jostis an yu mait.

3. Di chuu rispek wi av fi wi Kriyieta

Gweehn laas fi eva muor.

Im Wod beta dan guol.

Wi fala aal im komaanment dem nou.

Dem mek wi glad; wi klap wi an.

Gad tiichin kyaahn get uol.