Mazmur

114 Wektu Israèl metu saka Mesir,+

Wektu keturunané Yakub bébas saka bangsa sing basané béda,

2 Yéhuda dadi panggonan suciné Gusti Allah,

Lan Israèl dadi dhaérah kekuasaané.+

3 Laut mbelah wektu ndelok apa sing ditindakké Gusti Allah,+

Lan banyu Kali Yordan mandheg mili.+

4 Gunung-gunung mlumpat kaya domba lanang.+

Bukit-bukit mlumpat kaya anak domba.

5 Hé laut, ngapa kok kowé mbelah?+

Hé Kali Yordan, ngapa kok kowé mandheg mili?+

6 Hé gunung-gunung, ngapa kok kowé mlumpat kaya domba lanang?

Hé bukit-bukit, ngapa kok kowé mlumpat kaya anak domba?

7 Hé bumi, kowé kudu wedi marang* Gusti,

Marang Gusti Allahé Yakub,+

8 Sing nggawé gunung watu dadi kolam

Lan watu sing atos dadi mata air.+