Mazmur
Kanggo pemimpin musik. Lagu sing digawé Daud.
140 Oh Yéhuwah, slametna aku saka wong sing jahat.
Lindhungi aku saka wong sing kejem.+
2 Wong-wong kuwi nggawé rencana jahat+
Lan nggawé masalah saben dina.
3 Omongané wong-wong kuwi* kaya ilaté ula.+
Omongané wong-wong kuwi kaya racuné ula beracun.*+ (Sela)
4 Oh Yéhuwah, lindhungi aku saka wong sing jahat.+
Slametna aku saka wong sing kejem,
Sing nggawé rencana jahat bèn aku cilaka.
5 Wong sing sombong péngin njebak aku.
6 Aku kandha marang Yéhuwah, ”Oh Yéhuwah, Njenengan kuwi Gusti Allahku.
Rungokna wektu aku njaluk tulung.”+
8 Oh Yéhuwah, aja nganti kepénginané wong jahat kelakon.
Aja nganti rencana jahaté berhasil bèn wong kuwi ora sombong.+ (Sela)
9 Bèn waé omongan èlèké wong-wong sing ana ing sekitarku
Mbalik ing wong-wong kuwi dhéwé.+
10 Bèn waé wong-wong kuwi kena udan bara api.+
11 Bèn waé wong sing seneng mitnah ora bakal éntuk panggonan sing aman ing bumi.+
Bèn waé wong sing kejem kena bencana lan dipatèni.
12 Aku ngerti nèk Yéhuwah bakal mbéla wong cilik
Lan mènèhi keadilan marang wong mlarat.+
13 Wong bener mesthi bakal muji jeneng-Mu
Lan bakal terus cedhak karo Njenengan.+