14 Terus, dhèwèké nggawé 11 kain+ saka wulu kambing kanggo nutupi tabernakel. 15 Sewelas kain kuwi ukurané padha, yaiku dawané 30 hasta* lan ambané 4 hasta. 16 Dhèwèké nyambung kain sing lima dadi kain siji. Enem kain liyané ya disambung dadi kain siji. 17 Terus, dhèwèké nggawé 50 gelang ing pinggirané kain sing siji lan nggawé 50 gelang manèh ing pinggirané kain sing sijiné, bèn kain-kain kuwi isa disambungké. 18 Dhèwèké nggawé 50 canthèlan saka tembaga bèn kain-kain kuwi isa disambung dadi siji.