15 Terus, randha kuwi mangkat lan nindakké omongané Èlia. Randha kuwi, keluargané, lan Èlia nduwé panganan kanggo wektu sing suwé.+ 16 Tepung ing wadhah gedhé ora entèk, lan minyak ing wadhah cilik ya ora entèk, cocog karo apa sing wis diomongké Yéhuwah liwat Èlia.

22 Yéhuwah ngrungokké dongané Èlia,+ lan bocah kuwi urip manèh.*+

24 Randha kuwi kandha marang Èlia, ”Saiki aku ngerti nèk njenengan bener-bener abdiné Gusti Allah+ lan nèk omongané Yéhuwah sing mbok sampèkké kuwi pancèn bener.”

36 Pas soré, pas kira-kira wektuné mènèhké persembahan biji-bijian,+ Nabi Èlia nyedhaki mézbah lan kandha, ”Oh Yéhuwah Gusti Allahé Abraham,+ Ishak,+ lan Israèl, muga-muga dina iki wong-wong padha ngerti nèk Njenengan kuwi Gusti Allah ing Israèl, lan padha ngerti nèk aku iki abdi-Mu lan aku nindakké kabèh iki nurut préntah-Mu.+

38 Terus, Yéhuwah nyebabké ana geni saka langit sing ngobong nganti entèk persembahan bakaran,+ tumpukan kayu, watu-watu, lan lemah sing ana ing kana. Banyu sing ana ing kalèn* kuwi ya entèk kena geni.+

46 Ning, Yéhuwah mènèhi Èlia kekuwatan khusus. Èlia nyincingké lan nalèkké jubahé ing pinggangé, terus mlayu ndhisiki Ahab nganti tekan Yizréèl.

8 Bar kuwi, Èlia njupuk jubahé,+ terus kuwi digulung lan disabetké ing banyu kali kuwi. Banyuné kali mbelah dadi loro, lan Èlia karo Èlisa nyabrang ing dhasaré kali sing asat.+

11 Wektu wong loro kuwi lagi mlaku bareng karo omong-omongan, ujug-ujug ana kréta perang sing murub lan jaran sing murub+ sing liwat lan misahké wong loro kuwi. Terus, Èlia munggah ing langit nganggo badai.+

17 Gusti Allah bakal ngongkon anakmu ndhisiki Dhèwèké.* Anakmu bakal nduwé semangat lan kuwasa+ sing padha kaya Èlia. Anakmu ya bakal nggawé atiné bapak-bapak dadi kaya atiné bocah-bocah*+ lan mbantu wong sing ora manut dadi wicaksana kaya wong sing bener. Mula, wong-wong kuwi isa dadi umat sing siap ngabdi marang Yéhuwah.”*+

19 Iki kesaksiané Yohanes pas wong Yahudi ngutus para imam lan wong Lèwi saka Yérusalèm kanggo nakoni dhèwèké, ”Kowé kuwi sapa?”+

21 Wong-wong kuwi takon, ”Terus, kowé sapa? Apa kowé Èlia?”+ Dhèwèké njawab, ”Dudu.” Wong-wong kuwi takon manèh, ”Apa kowé Nabi sing bakal teka?”+ Dhèwèké njawab, ”Dudu.”