• Pangentasan 12:48
    Kitab Suci Terjemahan Donya Anyar

    • 48 Nèk ana wong saka bangsa liya sing manggon karo kowé lan dhèwèké péngin mèlu ngrayakké Paskah kanggo Yéhuwah, kabèh wong lanang ing keluargané kudu disunat. Bar kuwi, dhèwèké lagi éntuk mèlu ngrayakké, lan dhèwèké bakal dianggep kaya wong Israèl asli. Ning, wong lanang sing ora disunat ora éntuk mèlu mangan korban Paskah.+

  • Rut 1:16
    Kitab Suci Terjemahan Donya Anyar

    • 16 Ning Rut kandha, ”Bu, aja ngongkon aku ninggalké njenengan utawa ngongkon aku ora ngancani njenengan. Merga menyang endi njenengan lunga, aku bakal mèlu. Ing endi njenengan nginep, aku ya bakal nginep ing kono. Bangsané Ibu bakal dadi bangsaku, lan Gusti Allahé Ibu ya dadi Gusti Allahku.+

  • 2 Para Raja 5:15
    Kitab Suci Terjemahan Donya Anyar

    • 15 Sakwisé kuwi, dhèwèké bali marang abdiné Gusti Allah sing bener+ karo kabèh rombongané. Terus, dhèwèké ngadeg ing ngarepé Èlisa lan kandha, ”Saiki aku ngerti nèk ing bumi ora ana Gusti Allah liya sakliyané ing Israèl.+ Tulung tampanen hadiah* saka abdimu iki.”

  • Yésaya 56:6, 7
    Kitab Suci Terjemahan Donya Anyar

    •  6 Wong asing sing ngibadah lan ngabdi marang Yéhuwah,

      Sing sayang karo Yéhuwah lan jenengé,+

      Sing gelem dadi abdi-Ku,

      Sing ngrayakké Sabat lan ora nglanggar hukum soal dina Sabat,

      Sing manut karo perjanjian-Ku,

       7 Bakal Tak gawa ing gunung-Ku sing suci+

      Lan Tak gawé seneng ing omah-Ku sing dienggo ndonga.

      Kabèh persembahan bakaran lan korban sing diwènèhké wong kuwi bakal Tak tampa ing mézbah-Ku,

      Merga omah-Ku bakal disebut omah sing dienggo ndonga wong-wong saka kabèh bangsa.”+

  • Kisah 8:27
    Kitab Suci Terjemahan Donya Anyar

    • 27 Filipus mangkat lan ing dalan kuwi, dhèwèké ketemu karo pejabat tinggi saka Étiopia. Pejabat kuwi nglayani ratu Kandaké sing mréntah ing Étiopia lan tugasé ngurus kabèh hartané kerajaan. Dhèwèké lunga menyang Yérusalèm kanggo ngibadah+