3 ”’Nèk imam+ sing dipilih* nindakké dosa+ lan nggawé wong sak bangsa dadi dosa, dhèwèké kudu mènèhké sapi lanang enom siji sing séhat marang Yéhuwah dadi persembahan dosa kanggo dosané kuwi.+

13 ”’Nèk kabèh wong Israèl nindakké kesalahan merga ora sengaja nindakké dosa,+ ning jemaat* kuwi ora sadhar nèk wis nindakké apa sing dilarang Yéhuwah,+ 14 lan akhiré wong-wong kuwi ngerti nèk wis nindakké dosa, jemaat* kuwi kudu nggawa sapi lanang enom siji menyang ngarepé kémah pertemuan lan mènèhké kuwi dadi persembahan dosa.

22 ”’Nèk kowé nggawé kesalahan lan ora nindakké kabèh préntahé Yéhuwah marang Musa, 23 yaiku kabèh préntahé Yéhuwah sing berlaku kanggo kowé lan keturunanmu kèt Yéhuwah mréntahké kuwi nganti sakterusé, 24 lan nèk kesalahan kuwi ora sengaja ditindakké lan ora ana sing ngerti, kabèh wong Israèl kudu mènèhké sapi lanang enom siji dadi persembahan bakaran sing ambuné nggawé Yéhuwah seneng bareng karo persembahan biji-bijian lan persembahan minuman kaya biasané,+ lan kambing enom siji dadi persembahan dosa.+