22 Kabèh wong sing dipilih dadi penjaga gerbang jumlahé 212. Wong-wong kuwi manggon ing panggonané sesuai daftar silsilahé wong-wong kuwi.+ Daud lan Samuèl sing isa ngerti wahyu+ mènèhi tugas kuwi marang wong-wong kuwi merga wong-wong kuwi isa dipercaya. 23 Wong-wong kuwi lan anak-anaké lanang ngawasi gerbang-gerbang omahé Yéhuwah,+ yaiku tabernakel.* 24 Para penjaga gerbang ana ing papat sisihé, yaiku wétan, kulon, lor, lan kidul.+ 25 Sedulur-seduluré bakal teka saka panggonané dhéwé-dhéwé kanggo nglayani bareng karo wong-wong kuwi pitung dina suwéné. Kuwi terus ajeg ditindakké. 26 Ana papat kepala penjaga gerbang* sing isa dipercaya kanggo tugas kuwi. Wong-wong kuwi wong Lèwi sing éntuk tugas ngawasi ruangan-ruangan* lan panggonan kanggo nyimpen harta ing omahé Gusti Allah sing bener.+ 27 Wong-wong kuwi ana ing sak ubengé omahé Gusti Allah sing bener sewengi muput kanggo nindakké tugas jaga. Wong-wong kuwi sing nyekel kunci lan bakal mbukak lawang omah kuwi saben ésuk.