• Mazmur 15:1-5
    Kitab Suci Terjemahan Donya Anyar

    • 15 Oh Yéhuwah, sapa sing éntuk dadi tamu ing kémah-Mu?

      Sapa sing éntuk manggon ing gunung-Mu sing suci?+

       2 Wong sing terus manut* marang Gusti Allah,+

      Sing tumindaké bener,+

      Lan sing ngomong jujur ing njero atiné.+

       3 Dhèwèké ora ngomongké fitnah,+

      Ora nindakké sing jahat marang wong liya,+

      Lan ora nggawé isin kancané.+

       4 Dhèwèké ora gelem bergaul karo wong sing bejat,+

      Ning ngajèni wong sing wedi marang* Yéhuwah.

      Dhèwèké nepati janjiné* senajan rugi.+

       5 Dhèwèké nyilihké dhuwité, ning ora nganggo bunga.+

      Dhèwèké ya ora gelem disuap kanggo nudhuh wong sing ora salah.+

      Wong sing nindakké kabèh kuwi bakal tetep kukuh.+

  • Mazmur 27:4
    Kitab Suci Terjemahan Donya Anyar

    •  4 Ana siji sing tak jaluk saka Yéhuwah,

      Iki sing tak péngini:

      Aku éntuk manggon ing omahé Yéhuwah sakjegé uripku,+

      Bèn aku isa ndelok nèk Yéhuwah kuwi apikan

      Lan bèn aku isa bersyukur* wektu ndelok baité.+

  • Mazmur 84:1-4
    Kitab Suci Terjemahan Donya Anyar

    • 84 Oh Yéhuwah pemimpiné pasukan,

      Aku seneng banget karo panggonan-Mu.*+

       2 Aku kangen banget karo halaman omahé Yéhuwah.+

      Saking kangené, aku nganti lemes banget.

      Sak tulusé atiku lan nganggo kabèh kekuwatanku,

      Aku sorak-sorak lan muji Gusti Allah sing urip.

       3 Manuk waé isa nduwé omah ing kono,

      Lan manuk walèt nduwé sarang

      Sing dienggo ngopèni anak-anaké

      Ing cedhaké mézbah-Mu sing luar biasa, oh Yéhuwah pemimpiné pasukan,

      Raja lan Gusti Allahku.

       4 Wong sing manggon ing omah-Mu kuwi bahagia.+

      Wong kuwi terus-terusan muji Njenengan.+ (Sela)