• Mazmur 135:15-18
    Kitab Suci Terjemahan Donya Anyar

    • 15 Patung allahé bangsa-bangsa kuwi saka emas lan pérak,

      Sing digawé manungsa.+

      16 Patung kuwi nduwé cangkem tapi ora isa ngomong,+

      Nduwé mata tapi ora isa ndelok,

      17 Nduwé kuping tapi ora isa ngrungokké,

      Lan nduwé irung tapi ora isa ambegan.+

      18 Wong sing nggawé patung kuwi lan sing percaya karo patung kuwi+

      Bakal dadi kaya ngono.+

  • Yésaya 46:6
    Kitab Suci Terjemahan Donya Anyar

    •  6 Ana wong sing ngetokké emas sing akèh saka tasé.

      Wong kuwi nimbang péraké

      Lan mbayar tukang logam bèn nggawé pérak kuwi dadi patung allah.+

      Terus, wong kuwi sujud lan nyembah patung kuwi.+

  • Yérémia 10:3, 4
    Kitab Suci Terjemahan Donya Anyar

    •  3 Kuwi merga kebiasaané wong-wong kuwi ora ana gunané.

      Pengrajin negor wit saka hutan,

      Terus nggawé kuwi dadi patung nganggo alaté.+

       4 Bar kuwi, patung mau dihiasi nganggo pérak lan emas+

      Lan ditancepké ing lemah nganggo palu lan paku bèn ora tiba.+

  • Yérémia 10:8, 9
    Kitab Suci Terjemahan Donya Anyar

    •  8 Wong-wong kuwi ora masuk akal lan bodho.+

      Tuntunan saka patung kayu kuwi ora ana gunané.+

       9 Lèmpèngan pérak sing dituku saka Tarsyis+ lan emas saka Ufaz

      Digunakké para pengrajin lan pengrajin logam kanggo nglapisi patung kuwi.

      Patung-patung kuwi diklambèni benang biru lan wol ungu.

      Patung-patung kuwi digawé karo wong-wong sing ahli.

  • Kisah 19:26
    Kitab Suci Terjemahan Donya Anyar

    • 26 Ning, saiki kowé wis ndelok lan krungu dhéwé nèk wong-wong ing Éfésus+ lan kabèh Provinsi Asia wis dipengaruhi karo Paulus. Wong-wong kuwi percaya karo Paulus sing kandha nèk patung sing digawé nganggo tangané manungsa kuwi ora ana gunané.+