9 Dhèwèké ngobong omahé Yéhuwah,+ istanané raja,+ lan kabèh omah ing Yérusalèm.+ Dhèwèké ya ngobong omahé wong-wong penting ing kutha kuwi.+ 10 Témbok-témbok sing ngubengi kutha Yérusalèm dirubuhké karo pasukan Khaldéa sing ngetutké kepala pengawal kuwi.+ 11 Terus, Nébuzaradan kepala pengawal kuwi nawan rakyat sing isih ana ing kutha Yérusalèm, wong-wong sing mihak raja Babilon, lan kabèh penduduk liyané.+

17 Mula, Gusti Allah nggawé rajané wong Khaldéa+ nglawan wong-wong kuwi. Raja kuwi matèni cah-cah enom nganggo pedhang+ ing panggonan suci.+ Raja kuwi ora mesakké karo cah lanang utawa cah wédok, sing tuwa utawa sing lara.+ Kabèh diserahké marang raja kuwi.+

19 Dhèwèké ngobong omahé Gusti Allah sing bener,+ ngrubuhké témbok Yérusalèm,+ ngobong kabèh menara sing ana bèntèngé, lan nyingkirké kabèh sing berharga.+

3 Wong-wong kuwi njawab, ”Wong-wong sing wis padha bali saka penawanan lan saiki manggon ing provinsi kuwi keadaané parah banget lan padha kisinan.+ Témbok-témboké Yérusalèm wis ambruk,+ lan gerbang-gerbangé wis kobong.”+

13 Dhèwèké ngobong omahé Yéhuwah,+ istanané raja, lan kabèh omah ing Yérusalèm. Dhèwèké ya ngobong kabèh omah gedhé ing kutha kuwi. 14 Témbok-témbok sing ngubengi kutha Yérusalèm dirubuhké karo kabèh pasukan Khaldéa sing ngetutké kepala pengawal kuwi.+

15 Terus, Nébuzaradan kepala pengawal kuwi nawan rakyat biasa lan wong-wong sing isih ana ing kutha Yérusalèm. Dhèwèké ya nggawa wong-wong sing mihak raja Babilon lan para pengrajin sing ahli sing isih urip.+