20 Saben Raja nakoni masalah-masalah sing butuh pengetahuan lan pemahaman, jawabané cah lanang papat kuwi ping sepuluh luwih apik timbang kabèh ahli ilmu gaib lan para peramal+ ing kabèh wilayah kerajaan kuwi.

9 ”’Hé Bèltesyazar, kepalané para ahli ilmu gaib,+ aku ngerti tenan nèk kowé nduwé kuwasa saka para déwa sing suci,+ lan kowé ngerti kabèh rahasia.+ Mula, jelasna artiné wahyu sing tak delok ing mimpiku.

11 Ing kerajaanmu, ana wong lanang sing nduwé kuwasa saka para déwa sing suci. Ing jamané bapakmu,* dhèwèké nduwé pengetahuan, pemahaman, lan kawicaksanan kaya sing diduwèni para déwa.+ Bapakmu dhéwé, Raja Nébukhadnézar, ngangkat dhèwèké dadi kepalané para ahli ilmu gaib, peramal, lan ahli ilmu bintang+ ing Khaldéa.* 12 Wong kuwi jenengé Danièl. Raja njenengi dhèwèké Bèltesyazar.+ Danièl nduwé kemampuan sing luar biasa. Dhèwèké ya nduwé pengetahuan lan pemahaman kanggo njelaské arti mimpi, teka-teki, lan kanggo ngrampungi masalah sing angèl.+ Saiki undangen* Danièl, lan dhèwèké bakal njelaské arti tulisan kuwi.”