14 Aku krungu berita saka Yéhuwah,

Ana wong sing wis diutus marang bangsa-bangsa. Utusan kuwi kandha,

”Nglumpuka, lan majua nyerang Édom.

15 ”Aku wis nggawé kowé dirèmèhké bangsa-bangsa,

Disepèlèkké wong-wong.+

16 Hé kowé sing manggon ing tebing watu

Lan ing bukit sing paling dhuwur,

Kowé nggawé wong-wong dadi wedi karo kowé,

Lan atimu ya sombong, mula kowé dadi kapusan.

Senajan kowé nggawé susuh ing panggonan sing dhuwur kaya elang,

Aku bakal nibakké kowé saka kana,” kandhané Yéhuwah.