25 Pas Pétrus teka, Kornélius nemoni Pétrus lan sujud ing sikilé Pétrus. 26 Ning Pétrus kandha, ”Ngadega, awaké dhéwé iki kan padha-padha manungsa.”+

8 Aku, Yohanes, aku dhéwé sing krungu lan ndelok kabèh kuwi. Sakwisé krungu lan ndelok kuwi, aku sujud kanggo nyembah malaékat sing nduduhké kabèh kuwi marang aku. 9 Ning, dhèwèké ngandhani aku, ”Aja! Aku aja mbok sembah. Sembahen Gusti Allah.+ Aku iki ya mung budhak kaya kowé lan kaya sedulur-sedulurmu, yaiku para nabi lan kabèh wong sing manut karo kata-kata ing gulungan iki.”