Wulang Bebasan

13 Anak sing wicaksana* gelem didhidhik bapaké,+

Ning wong sing sombong ora gelem ngrungokké naséhat.+

 2 Wong isa ngrasakké hasil apik saka omongané,*+

Ning wong sing licik seneng karo tumindak kejem.

 3 Wong sing isa njaga omongané nglindhungi nyawané saka bahaya,+

Ning wong sing kakèhan ngomong bakal kena bencana.+

 4 Wong sing kesèd nduwé akèh kepénginan, tapi dhèwèké ora nduwé apa-apa,+

Ning wong sing sregep bakal puas banget.*+

 5 Wong bener sengit karo omongan sing ngapusi,+

Ning tumindaké wong jahat nggawé isin lan dirèmèhké.

 6 Wong sing ora salah dilindhungi merga tumindaké bener,+

Ning wong dosa dadi hancur merga tumindaké jahat.

 8 Wong sugih nebus nyawané nganggo hartané,+

Ning wong mlarat ora perlu kaya ngono merga ora ana sing ngancam nyawané.+

 9 Wong sing bener kaya lampu sing cahayané padhang banget,+

Ning wong sing jahat kaya lampu sing arep mati.+

10 Tumindak lancang isa nggawé padu,+

Ning wong sing nggolèk naséhat kuwi wicaksana.+

11 Harta sing éntuké gampang* bakal cepet entèk,+

Ning harta sing dikumpulké sithik-sithik bakal tambah akèh.

12 Harapan sing ora ndang kelakon nggawé lara ati,+

Ning kepénginan sing kelakon kuwi kaya wit kehidupan.+

13 Sapa waé sing ora manut préntah bakal nampa akibaté,+

Ning wong sing manut préntah bakal éntuk upah.+

14 Wulangané* wong sing wicaksana kuwi kaya sumberé urip,+

Lan isa nylametké wong saka kematian.

15 Wong sing nduwé pemahaman sing apik disenengi wong liya,

Ning uripé wong sing licik kebak kesusahan.

16 Wong sing ngati-ati tumindak wicaksana,+

Ning wong sing bodho nduduhké nèk dhèwèké pancèn bodho.+

17 Utusan sing jahat nyebabké masalah,+

Ning utusan sing setya nggawé wong liya éntuk manfaat.+

18 Wong sing ora gelem nampa dhidhikan bakal mlarat lan dirèmèhké,

Ning wong sing gelem dinaséhati* bakal diajèni.+

19 Kepénginan sing kelakon nggawé seneng,+

Ning wong sing bodho ora gelem ngedoh saka sing jahat.+

20 Wong sing bergaul karo wong sing wicaksana bakal dadi wicaksana,+

Ning wong sing dadi kancané wong bodho bakal cilaka.+

21 Wong sing dosa mesthi cilaka,+

Ning wong sing bener mesthi makmur.+

22 Wong sing apik ninggali warisan kanggo putuné,

Ning hartané wong sing dosa bakal disimpen kanggo wong sing bener.+

23 Ladhang sing wis dibajak duwèké wong mlarat ngasilké bahan pangan sing akèh banget,

Ning kuwi* isa dirampas merga tumindak sing ora adil.

24 Wong sing ora ndhidhik anaké* sengit karo anaké,+

Ning wong sing sayang karo anaké mesthi* ndhidhik anaké.+

25 Wong sing bener mangan nganti puas,+

Ning wetengé wong sing jahat bakal ngelih.*+