1 Babad

26 Iki kelompok-kelompok penjaga gerbang:+ saka keturunané Korah: Mésyélémia+ anaké Koré saka anak-anaké lanang Asaf. 2 Mésyélémia nduwé anak-anak lanang: Zakharia sing pertama, Yédiaèl sing nomer loro, Zébadia sing nomer telu, Yatnièl sing nomer papat, 3 Élam sing nomer lima, Yéhohanan sing nomer enem, Èliého-énai sing nomer pitu. 4 Obèd-édom nduwé anak-anak lanang: Syémaya sing pertama, Yéhozabad sing nomer loro, Yoah sing nomer telu, Sakar sing nomer papat, Nétanèl sing nomer lima, 5 Amièl sing nomer enem, Isakhar sing nomer pitu, lan Péulétai sing nomer wolu. Gusti Allah mberkahi Obèd-édom.

6 Syémaya anaké Obèd-édom nduwé anak-anak lanang sing dadi pemimpin ing keluarga pihak bapaké wong-wong kuwi, merga wong-wong kuwi hébat lan isa diendelké. 7 Anak-anaké lanang Syémaya yaiku Otni, Réfaèl, Obèd, lan Èlzabad. Sedulur-seduluré, yaiku Èlihu lan Sémakhia, ya isa diendelké. 8 Kuwi kabèh anak-anaké lanang Obèd-édom. Wong-wong kuwi, anak-anaké lanang, lan sedulur-seduluré isa diendelké lan cocog karo tugas kuwi. Jumlahé ana 62 anggota keluargané Obèd-édom. 9 Mésyélémia+ nduwé anak lanang lan sedulur sing isa diendelké sing jumlahé 18. 10 Hosa saka anak-anaké lanang Mérari nduwé anak-anak lanang. Syimri sing dadi pemimpin merga wis dipilih bapaké, senajan dhèwèké dudu anak pertama, 11 Hilkia sing nomer loro, Tébalia sing nomer telu, lan Zakharia sing nomer papat. Kabèh anak lanang lan seduluré Hosa jumlahé 13.

12 Ketua kelompok-kelompok penjaga gerbang kuwi nduwé tugas sing padha kaya sedulur-seduluré yaiku nglayani ing omahé Yéhuwah. 13 Wong-wong kuwi nguncalké undhi+ kanggo keluarga sing cilik lan sing gedhé sesuai karo keluarga saka pihak bapaké wong-wong kuwi kanggo nentokké gerbang endi sing dijaga. 14 Sing éntuk undhi kanggo gerbang wétan yaiku Syélémia. Zakharia anaké Syélémia kuwi penaséhat sing wicaksana. Zakharia éntuk undhi kanggo gerbang lor. 15 Obèd-édom éntuk gerbang kidul, lan anak-anaké lanang+ ditugaské ing gudhang-gudhang. 16 Syupim lan Hosa+ éntuk gerbang kulon, cedhak Gerbang Syalèkhèt ing dalan gedhé sing nanjak. Kelompok penjaga sing siji sebelahan karo kelompok penjaga liyané. 17 Ing sisih wétan ana wong Lèwi enem, ing sisih lor saben dina ana wong papat, ing sisih kidul saben dina ana wong papat, lan ing saben gudhang+ ana penjaga loro sing sebelahan karo penjaga loro liyané. 18 Ing serambi sisih kulon, ana penjaga papat ing dalan gedhé+ lan penjaga loro ing serambi kuwi. 19 Kuwi kelompok-kelompok penjaga gerbang saka keturunané Korah lan Mérari.

20 Saka wong Lèwi, Ahiya tugasé ngawasi harta ing omahé Gusti Allah sing bener lan harta sing disucèkké.*+ 21 Saka antarané anak-anaké lanang Ladan, yaiku anak-anak lanang keturunané Gèrsyon, ana Yéhièli,+ salah siji pemimpin keluarga pihak bapaké keturunané Ladan keturunané Gèrsyon. 22 Ana manèh anak-anaké lanang Yéhièli, yaiku Zétam lan Yoèl seduluré. Wong-wong kuwi ngawasi harta ing omahé Yéhuwah.+ 23 Saka keturunané Amram, keturunané Izhar, keturunané Hébron, lan keturunané Uzièl,+ 24 ana Syébuèl anaké Gèrsyom anaké Musa sing dadi kepala kanggo gudhang-gudhang. 25 Saka sedulur-seduluré, yaiku saka Èlièzèr,+ ana Réhabia+ anaké Èlièzèr, Yésyaya anaké Réhabia, Yoram anaké Yésyaya, Zikhri anaké Yoram, lan Syélomot anaké Zikhri. 26 Syélomot lan sedulur-seduluré tugasé ngawasi kabèh harta sing wis disucèkké.+ Barang-barang kuwi wis disucèkké Raja Daud,+ para pemimpin keluarga pihak bapak,+ para pemimpiné wong sèwu lan satus, lan para pemimpin pasukan. 27 Wong-wong kuwi nyucèkké barang-barang hasil perang+ lan jarahan+ kanggo ngopèni omahé Yéhuwah, 28 termasuk barang-barang sing disucèkké Samuèl wong sing isa ngerti wahyu,+ Saul anaké Kis, Abnèr+ anaké Nèr, lan Yoab+ anaké Zéruya.+ Kabèh sing wis disucèkké, dipercayakké marang Syélomit lan sedulur-seduluré.

29 Saka keturunané Izhar,+ Khénania lan anak-anaké lanang éntuk tugas sakliyané tugas ing bait, yaiku dadi pejabat lan hakim+ Israèl.

30 Saka keturunané Hébron,+ ana Hasyabia lan sedulur-seduluré, yaiku 1.700 wong sing isa diendelké. Wong-wong kuwi ngawasi* kabèh gawéan ing Israèl ing sisih kuloné Kali Yordan, yaiku kabèh gawéan kanggo Yéhuwah lan kanggo Raja. 31 Saka keturunané Hébron, Yériya+ kuwi pemimpiné keturunané Hébron sesuai karo garis keturunan saka keluarga pihak bapaké wong-wong kuwi. Ing taun ke-40 pamréntahané Daud,+ anak buahé Daud nggolèk wong-wong sing hébat, sing isa diendelké saka keturunané Hébron. Wong-wong kuwi ditemokké ing Yazèr+ ing Giléad. 32 Sedulur-seduluré jumlahé 2.700 wong sing isa diendelké. Wong-wong kuwi dadi pemimpin keluarga pihak bapaké wong-wong kuwi. Mula, Raja Daud nugasi wong-wong kuwi kanggo ngawasi wong Rubèn, wong Gad, lan setengahé suku Manasyé, kanggo kabèh perkara sing ana hubungané karo Gusti Allah lan Raja.