1 Babad

27 Iki kelompok-kelompoké wong Israèl sing dadi prajurité Raja. Ing kelompok-kelompok kuwi, ana pemimpin keluarga pihak bapak, pemimpiné wong sèwu, pemimpiné wong satus,+ lan para kepala sing ngurusi kelompok-kelompok kuwi.+ Saksuwéné setaun, kelompok-kelompok kuwi tugasé gentènan saben sasi. Jumlahé saben kelompok ana 24.000 wong.

2 Sing dadi kepala kelompok ke-1 kanggo sasi ke-1 yaiku Yasyobéam+ anaké Zabdièl, lan ana 24.000 wong ing kelompoké. 3 Saka anak-anaké Pèrèz,+ Yasyobéam sing dadi pemimpiné kabèh kepala kelompok sing tugas ing sasi ke-1. 4 Sing dadi kepala kelompok ke-2 kanggo sasi ke-2 yaiku Dodai+ wong Ahohi,+ lan Miklot sing dadi pemimpin, lan ana 24.000 wong ing kelompoké. 5 Pemimpin kelompok ke-3 sing nindakké tugas kanggo sasi ke-3 yaiku Bénaya+ anaké Imam Kepala Yéhoyada,+ lan ana 24.000 wong ing kelompoké. 6 Bénaya kuwi prajurit sing hébat ing antarané 30 prajurité Raja, lan dhèwèké sing dadi pemimpiné. Kepala kelompoké yaiku Amizabad anaké. 7 Sing ke-4 kanggo sasi ke-4 yaiku Asahèl+ adhiné Yoab+ lan Zébadia anaké. Ana wong 24.000 ing kelompoké. 8 Pemimpin ke-5 kanggo sasi ke-5 yaiku Syamhut wong Izra, lan ana 24.000 wong ing kelompoké. 9 Sing ke-6 kanggo sasi ke-6 yaiku Ira+ anaké Ikès wong Tékoa,+ lan ana 24.000 wong ing kelompoké. 10 Sing ke-7 kanggo sasi ke-7 yaiku Hèlèz+ wong Péloni keturunané Éfraim, lan ana 24.000 wong ing kelompoké. 11 Sing ke-8 kanggo sasi ke-8 yaiku Sibékai+ wong Husya keturunané Zérah,+ lan ana 24.000 wong ing kelompoké. 12 Sing ke-9 kanggo sasi ke-9 yaiku Abi-èzèr+ wong Anatot+ keturunané Bènyamin, lan ana 24.000 wong ing kelompoké. 13 Sing ke-10 kanggo sasi ke-10 yaiku Maharai+ wong Nétofa keturunané Zérah,+ lan ana 24.000 wong ing kelompoké. 14 Sing ke-11 kanggo sasi ke-11 yaiku Bénaya+ wong Piraton saka anak-anaké lanang Éfraim, lan ana 24.000 wong ing kelompoké. 15 Sing ke-12 kanggo sasi ke-12 yaiku Hèldai wong Nétofa keturunané Otnièl, lan ana 24.000 wong ing kelompoké.

16 Iki pemimpiné suku-suku Israèl: Suku Rubèn dipimpin Èlièzèr anaké Zikhri; suku Siméon dipimpin Syéfatia anaké Maaka; 17 suku Lèwi dipimpin Hasyabia anaké Kémuèl; kanggo keturunané Harun dipimpin Zadok; 18 suku Yéhuda dipimpin Èlihu,+ salah siji seduluré Daud; suku Isakhar dipimpin Omri anaké Mikhaèl; 19 suku Zébulon dipimpin Ismaya anaké Obaja; suku Naftali dipimpin Yérimot anaké Azrièl; 20 suku Éfraim dipimpin Hosyéa anaké Azazia; setengahé suku Manasyé dipimpin Yoèl anaké Pédaya; 21 setengahé suku Manasyé ing Giléad dipimpin Ido anaké Zakharia; suku Bènyamin dipimpin Yaasièl anaké Abnèr;+ 22 suku Dan dipimpin Azarèl anaké Yéroham. Kuwi kabèh para kepalané suku-suku Israèl.

23 Daud ora ngétung wong sing umuré kurang saka 20, merga Yéhuwah wis janji arep nggawé wong Israèl akèhé kaya bintang ing langit.+ 24 Yoab anaké Zéruya mulai ngétung ning ora dirampungké, lan merga ngétung kuwi, Gusti Allah dadi nesu banget marang Israèl.+ Jumlahé ora dicathet ing buku sejarah soal pamréntahané Raja Daud.

25 Sing ngawasi panggonan nyimpen hartané Raja+ yaiku Azmawèt anaké Adièl. Yonatan anaké Uzzia ngawasi gudhang-gudhang* ing ladhang, ing kutha-kutha, ing désa-désa, lan ing menara-menara. 26 Sing ngawasi para petani sing nggarap ladhang yaiku Ézri anaké Khélub. 27 Syiméi wong Rama ngawasi kebon-kebon anggur. Zabdi wong Syifmi ngawasi persediaan minuman saka hasil kebon anggur. 28 Baal-hanan wong Gèdèr ngawasi kebon zaitun lan wit ara+ hutan ing Syéféla.+ Yoas ngawasi persediaan minyak. 29 Syitrai wong Syaron+ ngawasi sapi-sapi sing lagi mangan suket ing Syaron. Syafat anaké Adlai ngawasi sapi-sapi sing ana ing lembah. 30 Obil keturunané Ismaèl ngawasi unta-unta. Yèhdéya wong Méronot ngawasi keledai-keledai.* 31 Yaziz wong Hagri ngawasi domba lan kambing. Kuwi kabèh wong-wong sing ngawasi hartané Raja Daud.

32 Yonatan+ ponakané Daud kuwi penaséhat. Dhèwèké ya wong sing nduwé akèh pemahaman lan dadi sekretaris, lan Yéhièl anaké Hakhmoni sing ngurus anak-anaké lanang raja.+ 33 Ahitofèl+ kuwi penaséhaté raja, lan Husyai+ wong Arkhi kuwi kancané* raja. 34 Sakwisé Ahitofèl, ana Yéhoyada anaké Bénaya+ lan Abiatar sing dadi penaséhat;+ Yoab+ dadi pemimpin pasukané raja.