Mazmur
Kanggo pemimpin musik. Lagu sing digawé Daud.
139 Oh Yéhuwah, Njenengan ndelok sing ana ing njero atiku lan ngerti kabèh soal aku.+
2 Njenengan ngerti pas aku lungguh lan pas aku ngadeg.+
Senajan ana ing panggonan sing adoh, Njenengan ngerti isi pikiranku.+
3 Njenengan nggatèkké* pas aku ing perjalanan lan pas aku turonan.
Njenengan ngerti kabèh tumindakku.+
4 Oh Yéhuwah, Njenengan wis ngerti sing arep tak omongké,+
Malah sakdurungé aku ngomong apa-apa.
5 Njenengan ana ing sekitarku kanggo nglindhungi aku.
Njenengan nuntun aku.
6 Njenengan ngerti banget soal aku.
Pikiranku ora nyandhak tekan semono.+
7 Ing endi aku isa lunga bèn isa ngedohi roh-Mu?
Ing endi aku isa ndhelik bèn Njenengan ora isa ndelok aku?+
8 Nèk aku munggah ing langit, Njenengan ana ing kana.
Nèk aku ana ing njero Kuburan,* Njenengan ya ana ing kana.+
9 Nèk aku isa mabur cepet kaya cahaya pas ésuk
Tekan pinggir laut sing paling adoh lan manggon ing kono,
10 Njenengan ya ana ing kono kanggo nuntun aku,
Lan Njenengan bakal ndhukung aku.+
11 Nèk aku kandha, ”Aku ora bakal kétok ing panggonan sing peteng,”
Tapi kanggoné Njenengan, peteng tetep kétok padhang.
12 Peteng kuwi ora kétok peteng kanggoné Njenengan,
Malah bengi waé tetep kétok padhang kaya pas awan.+
Peteng karo padhang ora ana bédané kanggo Njenengan.+
13 Njenengan sing nggawé ginjalku.
Njenengan nglindhungi* aku ing wetengé ibuku.+
14 Aku muji Njenengan merga carané Njenengan nggawé aku kuwi hébat lan luar biasa banget.+
Aku ngerti banget
Nèk kabèh sing mbok ciptakké kuwi luar biasa.+
15 Njenengan isa ndelok balung-balungku
Wektu Njenengan nggawé aku ing panggonan sing ora isa didelok sapa-sapa,
Wektu aku dadi saya gedhé ing wetengé ibuku.+
16 Njenengan ndelok aku malah sakdurungé aku lair.
Pas awakku dibentuk,
Sakdurungé ana siji-sijia sing dibentuk,
Kuwi kabèh wis ditulis ing buku-Mu.
17 Kanggoku, pikiran-Mu berharga banget.+
Oh Gusti Allah, akèh banget pengetahuan-Mu.+
18 Nèk misalé tak étung, kuwi luwih akèh timbang jumlahé pasir ing laut.+
Nganti aku tangi, aku isih durung rampung ngétung.*+
19 Oh Gusti Allah, tulung wong jahat dipatèni.+
Aja nganti wong sing kejem* ana ing cedhakku manèh.
20 Wong-wong kuwi ngèlèk-èlèk Njenengan.
Wong-wong kuwi mungsuh-Mu sing nggunakké jeneng-Mu nganggo cara sing ora bener.+
21 Oh Yéhuwah, aku sengit karo wong sing sengit karo Njenengan,+
Lan aku jijik karo wong sing mbrontak nglawan Njenengan.+
22 Aku sengit tenan karo wong-wong kuwi.+
Sakjané mungsuhku ya wong-wong kuwi.
23 Oh Gusti Allah, deloken isi atiku, lan deloken aku iki wong sing kaya apa.+