Mazmur

119 Wong sing terus nindakké apa sing bener*

Lan manut karo hukumé Yéhuwah+ kuwi bahagia.

 2 Wong sing manut karo peraturané+

Lan saktulusé ati nggolèki tuntunané kuwi bahagia.+

 3 Dhèwèké manut karo préntahé*+

Lan ora seneng nindakké kejahatan.

 4 Njenengan wis mènèhi aku préntah

Bèn nindakké peraturan-Mu.+

 5 Aku péngin banget+

Isa terus manut karo peraturan-Mu,*

 6 Bèn aku ora isin+

Wektu mikirké préntah-Mu.

 7 Aku bakal muji Njenengan sak tulusé atiku

Wektu aku sinau soal keputusan-Mu sing adil.

11 Omongan-Mu terus tak éling-éling lan tak anggep berharga+

Bèn aku ora nggawé dosa marang Njenengan.+

13 Aku wis nyritakké

Kabèh préntah sing mbok wènèhké.

14 Aku ngrasa seneng merga ngerti peraturan-Mu,+

Luwih seneng timbang nduwèni kabèh barang sing berharga.+

15 Aku bakal mikirké tenanan* peraturan-Mu+

Lan nggatèkké préntah-Mu.+

17 Tulung Njenengan apikan karo abdi-Mu iki

Bèn aku isa tetep urip lan nindakké omongan-Mu.+

18 Tulung bantu aku bèn isa ngerti tenan

Hukum-Mu sing luar biasa kuwi.

20 Aku péngin banget

Ngerti soal hukum-Mu.

21 Njenengan nyenèni wong sing lancang,

Yaiku wong sing dikutuk merga ora manut karo préntah-Mu.+

22 Tulungi aku bèn aku ora diécé lan direndhahké manèh

Merga aku wis nindakké peraturan-Mu.

23 Malah wektu para pemimpin padha ngumpul lan ngèlèk-èlèk aku,

Aku tetep mikirké tenanan* peraturan-Mu.

27 Bantu aku bèn paham artiné* peraturan-Mu,

Supaya aku isa mikirké tenanan* tumindak-Mu sing luar biasa.+

29 Tulung bantu aku bèn ora dadi wong sing seneng ngapusi,+

Lan tulung ajari aku hukum-Mu.

32 Aku péngin banget manut karo préntah-Mu

Merga Njenengan mènèhi aku pemahaman sing luwih akèh.*

34 Bantu aku bèn ngerti,

Supaya aku isa manut

Lan saktulusé atiku nindakké hukum-Mu.

35 Aku seneng karo préntah-Mu,+

Mula tuntunen aku bèn kuwi kabèh isa tak tindakké.

36 Bantu aku bèn péngin nindakké hukum-Mu

Lan ora nindakké kepénginanku dhéwé.*+

38 Tulung Njenengan nepati janji-Mu* marang abdi-Mu iki,

Bèn wong-wong* wedi marang* Njenengan.

39 Hukum-Mu kuwi apik,+

Mula tulungi aku bèn aku ora diécé merga aku wedi diécé.

40 Aku péngin banget nindakké peraturan-Mu,

Tulung lindhungi aku bèn aku ora mati merga Njenengan adil.

41 Oh Yéhuwah, muga-muga Njenengan nresnani* aku+

Lan nylametké aku, kaya janji-Mu* marang aku,+

42 Bèn aku isa njawab wong sing ngécé aku,

Merga aku percaya karo omongan-Mu.

43 Tulung bantu aku bèn terus ngomongké apa sing bener,

Merga aku berharap* Njenengan nggawé keputusan sing adil.

44 Aku bakal terus manut karo hukum-Mu

Nganti saklawasé.+

45 Aku bakal aman ing endi waé aku lunga+

Merga aku ngupaya manut karo peraturan-Mu.

47 Aku seneng karo préntah-Mu,

Aku seneng banget.+

48 Aku bakal ndonga karo ngangkat tanganku merga aku seneng banget karo préntah-Mu,+

Lan aku bakal mikirké tenanan* peraturan-Mu.+

49 Tulung éling karo janji-Mu* marang abdi-Mu iki

Merga kuwi sing nggawé aku nduwé harapan.*

50 Kuwi sing nggawé aku tenang senajan susah,+

Merga omongan-Mu wis mbantu aku bèn aku ora mati.

51 Wong sing lancang ngécé aku entèk-entèkan,

Tapi aku tetep ora nglanggar hukum-Mu.+

52 Oh Yéhuwah, aku éling karo hukum-Mu sing wis ana kèt mbiyèn,+

Lan kuwi nggawé aku ngrasa tenang.+

53 Aku nesu banget karo wong jahat

Sing ora manut karo hukum-Mu.+

54 Peraturan-Mu kuwi kaya lagu kanggo aku,

Ing endi waé aku

manggon.*

55 Oh Yéhuwah, pas bengi aku éling karo jeneng-Mu,+

Bèn aku isa terus manut karo hukum-Mu.

56 Kuwi dadi kebiasaanku

Merga aku péngin manut karo peraturan-Mu.

59 Aku mikirké apa sing wis tak tindakké,

Bèn aku isa manut karo peraturan-Mu manèh.+

60 Aku cepet-cepet lan ora nunda-nunda

Nindakké préntah-Mu.+

61 Wong jahat nindhes aku,*

Ning aku tetep éling karo hukum-Mu.+

62 Pas tengah wengi, aku tangi merga arep ngucap syukur marang Njenengan+

Merga Njenengan nggawé keputusan sing adil.

63 Aku kekancan karo wong sing wedi marang* Njenengan

Lan sing manut karo peraturan-Mu.+

65 Oh Yéhuwah, Njenengan wis apikan karo abdi-Mu iki,

Kaya janji-Mu* marang aku.

66 Tulung ajari aku bèn nduwé pengetahuan lan pertimbangan sing apik+

Merga aku percaya karo préntah-Mu.

67 Mbiyèn sakdurungé aku ngalami kesusahan, aku kerep nggawé kesalahan tanpa sengaja,

Ning saiki aku manut karo omongan-Mu.+

69 Wong sing lancang ngomongké sing ora bener soal aku,

Ning aku saktulusé ati manut karo peraturan-Mu.

70 Wong-wong kuwi ora nduwé perasaan,+

Ning aku seneng karo hukum-Mu.+

71 Ana apiké aku ngalami kesusahan,+

Bèn aku isa luwih ngerti soal peraturan-Mu.

72 Hukum sing mbok wènèhké kuwi apik kanggo aku,+

Luwih apik timbang emas lan pérak sing akèh.+

Bantu aku bèn ngerti,

Supaya aku isa luwih ngerti soal préntah-Mu.+

74 Wong sing wedi marang* Njenengan ngrasa seneng pas ndelok aku

Merga aku percaya karo* omongan-Mu.+

76 Muga-muga katresnan-Mu*+ nggawé aku tenang,

Kaya janji-Mu* marang abdi-Mu iki.

77 Tulung mesakké aku bèn aku isa tetep urip,+

Merga aku seneng karo hukum-Mu.+

78 Muga-muga wong sing lancang dadi isin,

Merga wong-wong kuwi nglarani aku tanpa alesan.*

79 Muga-muga wong sing wedi marang* Njenengan

Lan sing ngerti peraturan-Mu cedhak karo aku manèh.

80 Muga-muga aku manut karo peraturan-Mu saktulusé atiku,+

Bèn aku ora isin.+

81 Aku péngin banget mbok slametké+

Merga aku percaya karo* omongan-Mu.

83 Aku kaya wadhah ngombé saka kulit sing garing kena asap,

Tapi aku ora lali karo peraturan-Mu.+

85 Wong sing lancang lan sing nglanggar hukum-Mu

Nggali lubang kanggo aku bèn aku kecemplung ing kono.

87 Wong-wong kuwi mèh waé matèni aku,

Ning aku tetep manut karo peraturan-Mu.

88 Merga Njenengan nresnani* aku, tulung lindhungi aku bèn aku ora mati,

Supaya aku isa manut karo peraturan sing mbok wènèhké marang aku.

89 Oh Yéhuwah, omongan-Mu bakal terus ana ing swarga+

Nganti saklawasé.

91 Kabèh kuwi tetep ana nganti saiki merga peraturan-Mu,

Merga kabèh ciptaan-Mu kuwi abdi-Mu.

92 Nèk aku ora seneng karo hukum-Mu,

Aku mesthi wis mati merga kesusahanku.+

94 Aku iki duwèk-Mu. Slametna aku,+

Merga aku wis ngupaya manut karo peraturan-Mu.+

95 Wong jahat nggolèk kesempatan kanggo matèni aku,

Ning aku terus mikirké peraturan-Mu.

96 Aku wis ndelok nèk kabèh sing sampurna kuwi ana batesé,

Ning préntah-Mu ora ana batesé.*

98 Préntah-Mu nggawé aku luwih wicaksana* timbang mungsuhku+

Merga kuwi sing terus nuntun aku.

99 Pemahamanku luwih akèh timbang kabèh guruku+

Merga aku mikirké tenanan* peraturan-Mu.

100 Aku luwih wicaksana timbang wong-wong sing wis tuwa

Merga aku manut karo peraturan-Mu.

101 Aku ora bakal nindakké kejahatan+

Merga aku péngin manut karo omongan-Mu.

102 Aku ora nglanggar hukum-Mu

Merga Njenengan wis ngajari aku.

103 Omongan-Mu kuwi nyenengké banget,

Rasané luwih legi timbang madu.+

104 Aku dadi wicaksana merga peraturan-Mu,+

Kuwi sebabé aku sengit karo kabèh tumindak sing salah.+

105 Omongan-Mu kuwi kaya lampu sing madhangi aku wektu mlaku

Lan kaya cahaya sing madhangi dalanku.+

106 Aku wis nggawé sumpah nèk bakal nindakké hukum-Mu sing adil,

Lan kuwi mesthi bakal tak tepati.

108 Oh Yéhuwah, muga-muga Njenengan seneng nampa pujian sing tak wènèhké dadi persembahan sukaréla,*+

Lan tulung ajari aku hukum-Mu.+

109 Aku terus ngadhepi bahaya sing ngancam nyawaku,

Ning aku ora lali karo hukum-Mu.+

110 Wong jahat masang perangkap kanggo aku,

Tapi aku tetep manut karo peraturan-Mu.+

111 Ora bakal tak lalèkké peraturan-Mu*

Merga kuwi sing nggawé seneng atiku.+

112 Aku nduwé tékad terus manut karo peraturan-Mu

Sakjegé uripku, nganti aku mati.

113 Aku sengit karo wong sing ora tenanan setya marang Njenengan,*+

Tapi aku seneng karo hukum-Mu.+

115 Hé wong jahat,+ aja cedhak-cedhak karo aku,

Bèn aku isa manut préntahé Gusti Allahku.

116 Oh Gusti Allah, tulung bantu aku, kaya janji-Mu* marang aku,+

Bèn aku isa tetep urip.

117 Tulung bantu aku bèn aku slamet,+

Supaya aku isa terus nggatèkké peraturan-Mu.+

118 Njenengan ora gelem nampa wong sing ora manut karo peraturan-Mu,+

Merga wong kuwi munafik lan seneng ngapusi.

123 Mripatku kesel ngentèni Njenengan nylametké aku+

Lan ngentèni janji-Mu* sing isa dipercaya.+

124 Tulung sayangi* abdi-Mu iki,+

Lan ajari aku peraturan-Mu.+

125 Aku iki abdi-Mu. Tulung bantu aku bèn nduwé pemahaman+

Supaya aku ngerti peraturan-Mu.

126 Oh Yéhuwah, saiki wis wektuné Njenengan tumindak+

Merga wong-wong wis nglanggar hukum-Mu.

127 Kuwi sebabé aku luwih seneng karo préntah-Mu

Timbang karo emas murni.+

129 Aku manut karo peraturan-Mu

Merga peraturan-Mu kuwi apik banget.

131 Aku péngin banget ngrungokké préntah-Mu,+

Nganti rasané ora isa ambegan.

132 Tulung gatèkna aku lan mesakké aku,+

Kaya sing wis mbok tindakké marang wong sing nresnani jeneng-Mu.+

134 Slametna* aku saka wong sing nindhes aku,

Lan aku bakal terus manut karo peraturan-Mu.

136 Aku nangis

Merga wong-wong ora manut karo hukum-Mu.+

137 Oh Yéhuwah, Njenengan kuwi bener,+

Lan keputusan-Mu kuwi adil.+

138 Peraturan sing mbok wènèhké kuwi bener

Lan tenanan isa dipercaya.

139 Semangatku kanggo ngabdi kuwi kaya geni sing murub ing njero awakku,+

Merga aku ndelok mungsuh-mungsuhku ngrèmèhké omongan-Mu.

140 Abdi-Mu iki seneng karo omongan-Mu+

Merga kuwi murni.+

141 Kanggoné wong liya, aku iki ora penting lan rendhah,+

Tapi aku ora tau lali karo peraturan-Mu.

142 Keadilan-Mu tetep ana nganti saklawasé,+

Lan hukum-Mu kuwi bener.+

143 Senajan aku susah lan sengsara,

Aku tetep seneng karo préntah-Mu.

147 Aku tangi sakdurungé matahari terbit merga péngin njaluk tulung,+

Sebab aku percaya karo* omongan-Mu.

148 Aku tangi pas tengah wengi

Bèn aku isa mikirké tenanan* omongan-Mu.+

152 Kèt mbiyèn aku wis sinau soal peraturan-Mu

Sing mbok gawé kanggo sakterusé.+

153 Tulung deloken kesusahanku, lan slametna aku+

Merga aku ora lali karo hukum-Mu.

155 Wong jahat ora bakal dislametké

Merga ora ngupaya manut karo peraturan-Mu.+

157 Mungsuhku lan wong sing nganiaya aku ana akèh,+

Tapi aku ora nglanggar peraturan-Mu.

158 Aku sengit banget nèk ndelok wong sing seneng ngapusi

Merga wong kuwi ora manut karo omongan-Mu.+

160 Kabèh omongan-Mu kuwi bener,+

Lan keputusan-Mu sing adil bakal ana sakterusé.

161 Para pemimpin nganiaya aku+ tanpa alesan,

Tapi aku tetep ngajèni omongan-Mu.+

162 Aku ngrasa seneng merga omongan-Mu,+

Kaya wong sing nemu harta karun.

164 Aku muji Njenengan sedina ping pitu

Merga keputusané Njenengan sing adil.

166 Oh Yéhuwah, aku berharap Njenengan nylametké aku,

Lan aku manut karo préntah-Mu.

167 Aku manut lan seneng banget+

Karo peraturan-Mu.

168 Aku manut karo préntah lan peraturan-Mu,

Merga Njenengan ngerti kabèh sing tak tindakké.+

171 Muga-muga aku isa terus muji Njenengan,+

Merga Njenengan ngajari aku peraturan-Mu.

172 Omongan-Mu bakal tak dadèkké lagu sing tak nyanyèkké,+

Merga kabèh préntah-Mu kuwi bener.

173 Muga-muga Njenengan nulungi aku,+

Merga aku mutuské kanggo manut karo préntah-Mu.+

176 Aku kesasar kaya domba sing ilang.+ Tulung golèkana abdi-Mu iki,

Merga aku ora lali karo préntah-Mu.+