Wani Ngandhani

Conto saka Yésus

VIDÉO: Yésus Ngandhani Wong Lanang Enom sing Sugih

1. Setèlen VIDÉONÉ, utawa wacanen Markus 10:​17-22. Terus jawaben pertanyaan iki:

1. Isa waé Yésus ndelok wong lanang kuwi nduwé sifat-sifat apik apa?

2. Bèn isa ngekèki naséhat wong lanang kuwi, ngapa kok Yésus kudu wani terus terang tapi carané ya tetep apik?

Sing Isa Dipelajari saka Yésus

2. Mémang, awaké dhéwé sayang karo sing sinau Alkitab. Tapi bèn dhèwèké ndang maju, awaké dhéwé ya kudu wani ngandhani.

Carané Niru Yésus

3. Sing sinau Alkitab diajari nggawé rencana lan dikandhani apa sing kudu diupayakké bèn rencanané berhasil.

1. Gunakna fitur ”Rencana” ing saben pelajaran buku Bahagia Saklawasé.

2. Rembugen soal rencana apa waé sing isa langsung dhèwèké capai lan sing butuh wektu luwih suwé kanggo mencapai kuwi.

3. Saben dhèwèké nggawé kemajuan, kudu kerep dipuji.

4. Digolèki sing nyebabké dhèwèké ora maju-maju kuwi apa, terus dibantu kanggo ngatasi kuwi.

1. Pikirna:

   • ’Apa ya sing marakké dhèwèké ora ndang maju lan dibaptis?’

   • ’Piyé ya carané mbantu dhèwèké?’

2. Ndonga bèn wani terus terang ngandhani dhèwèké lan bèn pas nyampèkké kuwi carané tetep apik.

5. Nèk tetep ora maju, sinauné diendhegké waé.

1. Bèn isa ngerti sing sinau kuwi nggawé kemajuan apa ora, pikirna:

   • ’Apa dhèwèké ngetrapké sing wis dipelajari?’

   • ’Apa dhèwèké gelem teka ing pertemuan ibadah lan nyritakké sing wis dipelajari?’

   • ’Nèk sinauné wis suwé, apa dhèwèké bener-bener péngin dadi Seksi Yéhuwah?’

2. Nèk sing sinau Alkitab ora gelem nggawé kemajuan:

   • Kongkonen dhèwèké mikirké apa sing kira-kira marakké dhèwèké ora ndang maju.

   • Ngomonga apik-apik ngapa kok njenengan ngendhegké sinauné.

   • Kandhanana apa sing kudu dhèwèké upayakké sik nèk péngin sinau manèh.