URIPÉ WONG KRISTEN
Carané Bèn Dadi Sregep Sinau Alkitab
Piyé carané bèn tetep setya senajan ngadhepi tentangan kaya Dhanièl? Dhanièl sregep sinau Kitab Suci lan ramalan-ramalan sing ora gampang dingertèni. (Dn 9:2) Kita isa tetep setya nèk sregep sinau Alkitab. Kok isa? Merga kuwi isa nggawé kita dadi saya yakin nèk janji-janjiné Yéhuwah bakal kelakon. (Ys 23:14) Kita uga isa dadi saya tresna marang Gusti Allah lan kepéngin nindakké sing bener. (Ms 97:10) Ning, piyé carané sinau? Gatèkna saran-saran iki.
Apa sing kudu tak sinaoni? Panjenengan perlu ajeg sinau lan nyiapké bahan sing arep dirembug ing pakumpulan ibadah. Panjenengan uga isa éntuk paédah nèk sinau luwih akèh bab katrangan sing ora dingertèni saka jadwal maca Alkitab kanggo saben minggu. Ana uga sing pilih sinau luwih akèh bab ramalan-ramalan ing Alkitab, wohing roh suciné Yéhuwah, perjalanan utusan injilé rasul Paulus, utawa bab pakaryané Yéhuwah. Nèk misalé ana pitakonan, tulisen lan dadèkna kuwi kanggo bahan sinau ing proyèk sakbanjuré.
Ing ngendi aku isa nemokké katrangan luwih akèh? Deloken vidéo Bantuan kanggo Sinau Alkitab. Kanggo latihan, golèkana katrangan luwih akèh bab idèntitasé para panguwasa ing donya sing digambarké nganggo kéwan-kéwan buwas ing Dhanièl bab 7.
Sepira suwéné kuduné aku sinau? Bèn séhat rohaniné, panjenengan kudu ajeg sinau. Panjenengan isa mulai sinau sedhéla, banjur saya suwé wektu sinauné isa ditambahi manèh. Sinau Alkitab kuwi kaya nggolèk harta karun. Saya akèh harta karun sing ditemokké, panjenengan bakal saya péngin nggolèki manèh. (WB 2:3-6) Panjenengan mesthi bakal dadi saya seneng lan ajeg sinau Alkitab.—1Pt 2:2.
KÉWAN-KÉWAN BUWAS ING DHANIÉL BAB 7 NGGAMBARKÉ APA?
PITAKONAN TAMBAHAN:
Piyé ramalan ing Dhanièl 7:8, 24 kelakon?
PROYÈK SAKBANJURÉ:
Kéwan-kéwan buwas sing ana ing Wahyu bab 13 nggambarké apa?