Jejaring Sosial​—Ngedohi Bahayané

APA SEBABÉ PENTING: Jejaring sosial kuwi ana manfaaté lan bahayané. Ana wong Kristen sing pilih ora nggunakké jejaring sosial. Sing liyané nggunakké jejaring sosial bèn isa ngerti kabaré keluarga lan kanca-kancané. Ning, Sétan péngin kita nggunakké jejaring sosial nganggo cara sing ora apik sing isa ngrusak réputasi lan hubungan kita karo Yéhuwah. Kaya Yésus, kita isa nggunakké pathokan-pathokan saka Alkitab kanggo nitèni lan ngedohi bahayané.​—Luk 4:4, 8, 12.

BAHAYANÉ:

• Ngentèkké akèh wektu. Nggunakké jejaring sosial utawa média sosial isa ngentèkké akèh wektu sing kuduné isa digunakké kanggo nindakké bab-bab rohani

  Pathokané Alkitab: Éf 5:15, 16; Flp 1:10

• Ndeloki bab-bab sing bahaya. Ndeloki gambar-gambar sing saru isa marahi kecanduan pornografi utawa laku jina. Maca artikel utawa situsé wong-wong murtad isa ngrusak iman

  Pathokané Alkitab: Mat 5:28; Flp 4:8

• Nglebokké foto-foto utawa koméntar sing ora pantes. Ati kuwi licik, mula kita isa waé kegodha kanggo nglebokké foto-foto utawa koméntar sing ora pantes ing jejaring sosial. Kuwi isa ngrusak réputasi lan iman

  Pathokané Alkitab: Rm 14:13; Éf 4:29

DELOKEN VIDÉO CARA AMAN NGGUNAKKÉ JEJARING SOSIAL, LAN REMBUGEN CARANÉ NGEDOHI BAB-BAB ING GAMBAR IKI: