Sipat-Sipaté Gusti Allah Kétok saka Ciptaané

Yéhuwah kuwi sing nyiptakké kembang, bintang-bintang ing langit, lan air terjun. Saka ciptaané, awaké dhéwé isa ngerti sipat-sipaté Yéhuwah. (Rm 1:20) Wektu ndelok ciptaané Yéhuwah, awaké dhéwé isa ngerti soal kuwasa, katresnan, kawicaksanan, lan keadilané Yéhuwah. Awaké dhéwé ya dadi ngerti nèk Yéhuwah kuwi loma.​—Ms 104:24.

Saben dina, awaké dhéwé ndelok ciptaané Yéhuwah. Senajan manggon ing kutha, awaké dhéwé tetep isa ndelok manuk-manuk lan wit-witan. Nèk nggatèkké ciptaané Yéhuwah, awaké dhéwé isa dibantu ngurangi rasa kuwatir, mikirké sing luwih penting, lan dadi saya yakin nèk Yéhuwah perduli karo awaké dhéwé. (Mat 6:25-32) Wong tuwa, bantunen anaké njenengan sinau soal sipat-sipaté Yéhuwah. Awaké dhéwé isa dadi saya akrab karo Yéhuwah nèk nggatèkké ciptaané.​—Ms 8:3, 4.

DELOKEN VIDEO KEAJAIBAN CIPTAAN MENYINGKAPKAN KEMULIAAN ALLAH—CAHAYA DAN WARNA, TERUS JAWABEN PITAKONAN-PITAKONAN IKI:

• Awaké dhéwé isa ndelok werna merga ana pigmen. Jelasna.

• Apa sing nyebabké iridescence?

• Apa sing nyebabké werna langit isa molah-malih?

• Apa waé ciptaané Yéhuwah sing isa awaké dhéwé delok saben dina sing wernané luar biasa?

• Apa sebabé awaké dhéwé kudu nggatèkké ciptaané Yéhuwah?