Manfaaté Donga kanggo Njenengan
Putri lara kanker. Sakliyané berobat ing dokter, Putri ya ndonga njaluk kekuwatan bèn isa ngadhepi penyakité. Apa manfaaté donga kanggo Putri?
Putri ngomong, ”Wektu berobat, aku kerep ngrasa wedi. Tapi, wektu ndonga, aku dadi luwih tenang lan ora wedi manèh. Meskipun aku isih lara, tapi merga ndonga aku nduwé pikiran sing positif. Wektu ana sing takon kabarku, aku njawab, ’Aku isih lara. Tapi, aku tetep semangat.’”
Mémang, awaké dhéwé ora kudu ngalami masalah sing abot sik lagi ndonga. Awaké dhéwé mesthi ngadhepi masalah lan butuh bantuan kanggo ngadhepi kuwi. Apa ndonga isa mbantu awaké dhéwé?
Ing Alkitab disebutké, ”Pasrahna kuwatirmu marang Yéhuwah, lan Dhèwèké bakal ndhukung kowé. Dhèwèké ora bakal meneng waé nèk wong sing bener tiba.” (Mazmur 55:22) Kata-kata kuwi mesthi nggawé awaké dhéwé ayem. Nèk awaké dhéwé ndonga nganggo cara sing bener, Gusti Allah mesthi bakal mbantu awaké dhéwé ngadhepi masalah.—Deloken kothak ”Manfaaté Nèk Ndonga”.