Éntuk Manfaat saka Réferènsi Silang

Ing réferènsi silang ing Kitab Suci Terjemahan Donya Anyar, ana ayat-ayat sing berkaitan karo ayat sing lagi diwaca. Sing dimaksud réferènsi silang kuwi sing endi? Wektu maca siji ayat Alkitab, terus ing sampingé suatu kata ana huruf cilik, nah kuwi sing jenengé réferènsi silang. Lha terus, piyé carané nggolèki ayat-ayat sing dadi réferènsi silangé? Nèk ing Alkitab tercétak, saka huruf cilik sing ana ing samping kata mau, golèkana huruf sing padha ing kolom bagian tengah. Nah, nèk ing Alkitab vèrsi digital sing ana ing jw.org utawa aplikasi JW Library^®, dudulen waé huruf cilik mau, mengko ayaté bakal metu.

Ayat-ayat sing berkaitan kuwi isa waé isiné:

Peristiwa sing padha: Siji peristiwa sing padha sing ya ditulis ing buku utawa bab liya ing Alkitab. Misalé, peristiwa ing 2 Samuèl 24:1 ya dicritakké ing 1 Babad 21:1.

Kutipan: Ayat sing dikutip saka ayat liyané. Misalé, kata-kata ing Matius 4:4 dikutip saka Pangandharing Torèt 8:3.

Ramalan sing kelakon: Ayat sing isiné ramalan karo ayat sing isiné penggenapan. Contoné, ramalan ing Zakharia 9:9 penggenapané ditulis ing Matius 21:5.