Piyé Carané Dadi Bapak sing Apik?

Ing artikel iki bakal dibahas:

• Tanggung jawabé bapak

• Tanggung jawabé bapak kuwi penting

• Hubungané bapak karo anaké wédok

• Saran-saran kanggo bapak

Tanggung jawabé bapak

• Sakdurungé anak lair. Nèk dadi bojo sing apik, biasané ya bakal dadi bapak sing apik. Ing buku Do Fathers Matter? disebutké:

  ”Nèk suami nukokké kabèh kebutuhan istri pas hamil, ngeterké ing dokter, ngancani USG, lan mèlu ngrungokké detak jantung bayiné, suami bakal dadi tambah akrab karo istri lan tambah sayang karo anaké.”

  ”Aku ora péngin bojoku ngrasa dhèwèkan pas hamil. Dadi aku terus ngancani dhèwèké. Kami seneng banget wektu nyiapké kamar kanggo anak kami mengko.”​—James.

  Ayat: ”Gatèkna kepentingané wong liya, dudu mung kepentinganmu dhéwé.”​—Filipi 2:4.

• Sakwisé anak lair. Bèn tambah akrab karo anak, bapak ya kudu mèlu momong. Misalé, mèlu nggéndhong utawa ngejak dolanan anaké. Nèk bapak mèlu momong, anak-anak mesthi ngrasa disayang.

  ”Anak-anak kudu ngrasa disayangi karo wong tuwané. Dadi, wong tuwa kudu gelem dolanan lan guyon karo anak-anak. Aja terlalu serius.”​—Richard.

  

  Ayat: ”Anak-anak kuwi hadiah saka Yéhuwah. Anak-anak kuwi berkah saka Dhèwèké.”​—Mazmur 127:3.

• Pas anak tambah gedhé. Nèk akrab karo bapaké, anak-anak biasané dadi luwih pinter ing sekolahan, ora gampang nesu, ora nganggo narkoba, lan ora dadi bocah sing nakal. Makané bapak kudu berupaya bèn luwih akrab karo anaké.

  ”Merga kerep bareng-bareng, aku karo anakku dadi kerep crita-crita. Nah pas dhèwèké wis ora tinggal sak omah karo aku, dhèwèké ngomong nèk kangen crita-crita karo aku.”​—Dennis.

  

  Ayat: ”Mula, kowé kudu terus nggatèkké tumindakmu. Kowé kudu tumindak kaya wong sing wicaksana, dudu kaya wong sing ora wicaksana. Gunakna wektumu kanggo nindakké apa sing penting.”—Éfésus 5:15, 16.

Tanggung jawabé bapak kuwi penting

Lumrahé tanggung jawabé bapak kuwi kerja lan nglindhungi keluargané. Terus biasané, sing akrab lan cedhak karo anak-anak kuwi ibuké. (Pangandharing Torèt 1:31; Yésaya 49:15) Nèk misalé salah sijiné ora ana, mungkin ana wong tuwa sing kudu berperan dadi bapak lan ya dadi ibu. Tapi sakjané embuh bapak utawa ibu, masing-masing perané penting.a

Ahli ing bidang keluarga sing jenengé Judith Wallerstein ngomong, ”Pas anakku wédok umur 12 taun, dhèwèké ditabrak mobil. Pas digawa ing ambulans, dhèwèké njaluk dikancani bapaké, merga dhèwèké ngrasa luwih aman. Tapi pas ing rumah sakit, dhèwèké njaluk aku sing ngancani.”b

”Suami istri kudu kerja sama. Bapak kudu nggawé keluargané ngrasa aman. Nah nèk ibu kudu sayang lan gelem ngrungokké anak-anaké.”​—Daniel.

Ayat: ”Anakku, rungokna dhidhikané bapakmu, lan aja nolak apa sing diwulangké ibumu.”​—Wulang Bebasan 1:8.

Hubungané bapak karo anaké wédok

Bapak isa mbantu anaké wédok ngerti wong lanang sing menghargai wong wédok kuwi sing piyé. Carané ana loro:

• Kudu sayang karo istri. Nèk njenengan sayang lan menghargai bojoné njenengan, anaké njenengan dadi ngerti kudu nggolèk bojo sing kaya apa.​—1 Pétrus 3:7.

  

• Kudu sayang karo anak. Njenengan kudu menghargai anaké njenengan bèn dhèwèké ngrasa berharga. Dhèwèké ya dadi ngerti nèk wong lanang kudu menghargai wong wédok.

  Tapi nèk sering disenèn-senèni, anaké njenengan dadi ngrasa ora berharga. Akibaté dhèwèké isa waé nggolèk perhatian saka wong lanang liya, padahal durung tentu wong lanang kuwi tulus menyayangi dhèwèké.

  ”Cah wédok sing disayang bapaké mesthi mengko bakal nggolèk bojo sing sayang lan menghargai dhèwèké.”​—Wayne.