Apa Seksi-Seksi Yéhuwah Klebu Protèstan?
Ora. Seksi-Seksi Yéhuwah kuwi pancèn Kristen, ning dudu Protèstan. Apa sebabé?
Agama Protèstan kuwi tegesé ”agama sing nentang agama Katolik Roma”. Senajan ora setuju karo ajarané Gréja Katolik, Seksi-Seksi Yéhuwah ora klebu Protèstan merga:
Akèh ajaran Protèstan ora cocog karo wulangané Alkitab. Contoné, Alkitab mulang nèk ”Gusti Allah iku asipat tunggal”, dudu Tritunggal. (1 Timotéus 2:5; Yokanan 14:28) Alkitab iya cetha mulang nèk wong jahat bakal ditumpes saklawasé, dudu diukum ing neraka.—Jabur 37:9; 2 Tésalonika 1:9.
Seksi-Seksi Yéhuwah ora protès utawa péngin ngowahi ajarané Gréja Katolik utawa agama liyané. Tujuané Seksi-Seksi Yéhuwah yaiku martakaké kabar apik bab Kratoné Gusti Allah, mbantu wong-wong supaya nduwé iman marang Kratoné Gusti Allah. (Matéus 24:14; 28:19, 20) Seksi-Seksi Yéhuwah kepéngin mulangké ajaran sing bener bab Gusti Allah lan Alkitab kanggo kabèh wong, dudu ngowahi ajarané agama liya.—Kolosé 1:9, 10; 2 Timotéus 2:24, 25.