Kabèh Isa Éntuk Tuntunané Gusti Allah
”Kabèh sing ditulis ing Kitab Suci asalé saka Gusti Allah.” (2 Timotius 3:16) Kuwi maksudé wong-wong sing nulis Alkitab dituntun Gusti Allah bèn nulis pikirané Gusti Allah.
Gusti Allah Péngin Njenengan Ngrasakké Manfaat saka Tuntunané
”Aku Yéhuwah, . . . sing mulang kowé soal apa waé sing ana manfaaté kanggo kowé, sing nuntun kowé bèn kowé ngerti apa sing kudu mbok tindakké. Nèk kowé manut karo préntah-Ku, kowé bakal terus ngrasa ayem, kaya kali sing terus mili, lan kowé bakal terus nindakké apa sing bener, kaya ombaké laut sing ora tau mandheg.”—YÉSAYA 48:17, 18.
Bayangna Gusti Allah ngomong kaya ngono karo njenengan. Dhèwèké péngin njenengan isa ayem lan bahagia saklawasé, lan Dhèwèké bakal mbantu njenengan.
Kabèh Isa Éntuk Tuntunané Gusti Allah, Termasuk Njenengan
”Kabar apik kudu diumumké . . . marang kabèh bangsa.”—MARKUS 13:10.
Sing dimaksud ”kabar apik” kuwi termasuk janji-janjiné Gusti Allah sing ditulis ing Alkitab. Misalé, Gusti Allah janji arep nyingkirké kesusahan, nggawé bumi dadi firdaus, lan nguripké wong-wong sing wis mati. Saiki, Seksi-Seksi Yéhuwah lagi ngumumké kabar apik kuwi ing sak donya.