PELAJARAN 15

Yésus Kuwi Sapa?

Vèrsi Tercétak

Umumé wong ngerti soal Yésus tapi mung ngerti jenengé, ora kenal karo wongé. Pendapaté wong soal Yésus béda-béda, tapi piyé menurut Alkitab?

1. Yésus kuwi sapa?

Mbiyèn Yésus kuwi malaékat ing swarga. Dhèwèké sing diciptakké pertama kali, makané disebut ”ciptaan sing pertama”. (Kolose 1:15) Merga langsung diciptakké Yéhuwah, Yésus disebut ”Anaké siji-sijiné”. (Yohanes 3:16) Yésus mbantu wektu Yéhuwah nyiptakké sak kabèhé. (Wacanen Wulang Bebasan 8:30.) Yésus akrab banget karo Yéhuwah. Dhèwèké disebut ”Sabda”, soalé dhèwèké sing nyampèkké omongané Gusti Allah.—Yohanes 1:14.

2. Ngapa kok Yésus teka ing bumi?

Kira-kira 2.000 taun mbiyèn, liwat roh suciné, Yéhuwah mindhah Yésus saka swarga ing wetengé prawan sing jenengé Maria. Terus, Yésus lair dadi manungsa. (Wacanen Lukas 1:34, 35.) Yéhuwah ngongkon Yésus teka ing bumi bèn manungsa isa urip saklawasé.a Yésus dadi Mésias utawa Kristus sing dijanjèkké. Kabèh sing dialami Yésus cocog karo ramalan ing Alkitab soal Mésias, makané wong-wong isa ngerti nèk dhèwèké ”Kristus, Anaké Gusti Allah sing urip”.—Matius 16:16.

3. Yésus saiki ing endi?

Sakwisé mati, Yésus diuripké manèh, terus bali ing swarga dadi malaékat. Ing kana, ”Gusti Allah mènèhi dhèwèké kedudukan sing luwih dhuwur timbang sing sakdurungé”. (Filipi 2:9) Yésus saiki kedudukané nomer loro sak ngisoré Yéhuwah.

SINAU LUWIH AKÈH

Ana keterangan luwih akèh soal Yésus kuwi sapa lan ngapa kok kudu ngerti soal Yésus.

Yésus lan Yohanes Pembaptis ing kali karo ngrungokké swara saka langit bar Yésus dibaptis.

4. Yésus dudu Gusti Allah sing Mahakuwasa

Meskipun Yésus kuwi malaékat sing kuwasané gedhé, dhèwèké tetep manut karo Yéhuwah. Apa buktiné nèk Yésus dudu Gusti Allah sing Mahakuwasa? Setèlen VIDÉONÉ.

VIDÉO: Apa Yésus Kristus Kuwi Gusti Allah? (3:22)

Yésus kuwi apané Yéhuwah? Wacanen ayat-ayat iki, terus rembugen pertanyaan-pertanyaané:

Wacanen Lukas 1:30-32.

Menurut malaékat, Yésus kuwi apané Yéhuwah, Gusti Allah ”Sing Mahaluhur”?

Wacanen Matius 3:16, 17.

Pas Yésus dibaptis, ana swara apa saka langit?
Kuwi swarané sapa?

Wacanen Yohanes 14:28.

Sing luwih tuwa lan sing luwih kuwasa kuwi bapak utawa anak?
Ing ayat kuwi Yésus ngundang Yéhuwah ”Bapak”. Berarti Yéhuwah kuwi piyé timbang Yésus?

Wacanen Yohanes 12:49.

Apa Yésus nganggep nèk dhèwèké kuwi ”Bapak”? Nèk menurut njenengan piyé?

5. Bukti nèk Yésus kuwi Mésias

Wong-wong isa ngerti soal Mésias sing dipilih Gusti Allah nèk maca ramalan ing Alkitab. Setèlen VIDÉONÉ bèn ngerti ramalan apa waé sing kelakon wektu Yésus ing bumi.