PELAJARAN 37
Pandhangan sing Bener soal Gawéan lan Dhuwit
Apa njenengan tau strès merga gawéan utawa dhuwit? Mungkin bingung merga kudu nyukupi kebutuhan, tapi ya tetep kudu ngibadah. Ing Alkitab ana saran-saran sing apik soal kuwi.
1. Ana keterangan apa ing Alkitab soal nyambut gawé?
Gusti Allah péngin awaké dhéwé seneng wektu nyambut gawé. Menurut Alkitab, ”Sing paling apik kanggo manungsa yaiku . . . ngrasakké hasil kerja kerasé.” (Pengkhotbah 2:24) Yéhuwah seneng nyambut gawé. Nèk sregep pas nyambut gawé, awaké dhéwé isa ngrasa puas lan nggawé Yéhuwah seneng.
Mémang kerja kuwi penting, tapi ibadah luwih penting. (Yohanes 6:27) Yéhuwah janji kebutuhané awaké dhéwé bakal dicukupi nèk ngutamakké Dhèwèké.
2. Apa pandhangan sing bener soal dhuwit?
Menurut Alkitab, ’dhuwit isa nglindhungi’ tapi ora isa nggawé wong bahagia. (Pengkhotbah 7:12) Mulané aja ngutamakké dhuwit, tapi ’kudu ngrasa puas karo sing wis diduwèni’. (Wacanen Ibrani 13:5.) Nèk ora puas, awaké dhéwé isa strès merga ora tau ngrasa cukup utawa malah dadi kakèhan utang. (Wulang Bebasan 22:7) Terus, isa waé malah péngin judhi utawa mèlu bisnis sing jaréné marahi cepet sugih.
3. Apa buktiné nèk ora pelit?
Yéhuwah kuwi ora pelit. Mulané, awaké dhéwé ya kudu ”murah hati, seneng mènèhi”. (1 Timotius 6:18) Nèk nduwé dhuwit, isa disumbangké ing jemaat lan dienggo mbantu wong liya, terutama sedulur seiman. Ora soal sepira akèhé sing dikèkké, sing digatèkké Yéhuwah kuwi niaté. Nèk tulus, awaké dhéwé isa bahagia lan nggawé Yéhuwah seneng.—Wacanen Kisah 20:35.
SINAU LUWIH AKÈH
Ayo ngrembug apa manfaaté nduwé pandhangan sing bener soal nyambut gawé lan ngrasa puas karo sing wis diduwèni.
4. Ngluhurké Yéhuwah liwat tingkah lakuné awaké dhéwé pas kerja
Nèk akrab karo Yéhuwah, awaké dhéwé mesthi sregep lan jujur wektu nyambut gawé. Setèlen VIDÉONÉ, terus rembugen pertanyaan-pertanyaan iki:
Tingkah lakuné Jason sing endi sing njenengan senengi?
Apa sing diupayakké Jason bèn isa nyambut gawé lan ya tetep isa ngibadah?
Wacanen Kolose 3:23, 24, terus rembugen pertanyaan iki:
Ngapa kok kudu sregep lan jujur wektu nyambut gawé?
Mémang kerja kuwi penting, tapi ibadah luwih penting
5. Manfaaté nèk ngrasa puas
Akèh wong berusaha nggolèk dhuwit sak akèh-akèhé. Tapi menurut Alkitab piyé? Wacanen 1 Timotius 6:6-8, terus rembugen pertanyaan iki:
Menurut Alkitab, awaké dhéwé kuduné piyé?
Meskipun dhuwité mung sithik, isa tetep bahagia. Setèlen VIDÉONÉ, terus rembugen pertanyaan iki:
Meskipun ora sugih, apa sing nggawé keluarga-keluarga kuwi bahagia?
Tapi, piyé nèk terus ngrasa ora cukup padahal wis nduwé akèh? Yésus ngandhani bahayané. Wacanen Lukas 12:15-21, terus rembugen pertanyaan iki:
Saka perumpamaané Yésus, awaké dhéwé isa ngerti soal apa?—Deloken ayat 15.
Wacanen Wulang Bebasan 10:22 lan bandhingna karo 1 Timotius 6:10. Terus, rembugen pertanyaan-pertanyaan iki:
Endi sing luwih penting, akrab karo Yéhuwah utawa nduwé dhuwit akèh? Lha ngapa njenengan njawab ngono?
Apa akibaté nèk nggolèk dhuwit terus?
6. Yéhuwah bakal nyukupi kebutuhané awaké dhéwé
Pas kudu nggawé keputusan soal gawéan lan dhuwit, awaké dhéwé isa mbuktèkké nèk percaya karo Yéhuwah. Bèn ngerti contoné setèlen VIDÉONÉ, terus rembugen pertanyaan-pertanyaan iki:
Masalah apa sing lagi diadhepi sedulur kuwi?
Piyé dhèwèké ngatasi masalah kuwi?
Wacanen Matius 6:25-34, terus rembugen pertanyaan iki:
Yéhuwah janji apa nèk awaké dhéwé ngutamakké Dhèwèké?
NÈK ANA SING NGOMONG: ”Sok-sok aku ora teka ngibadah, soalé aku kan kudu kerja.”
Ayat endi sing isa nggawé njenengan yakin nèk ngutamakké Yéhuwah kuwi sing paling apik?
KESIMPULAN
Mémang awaké dhéwé kudu nyambut gawé lan nggolèk dhuwit, tapi ngibadah kuwi tetep sing paling penting.
Jawaben
Piyé bèn nduwé pandhangan sing bener soal gawéan?
Apa manfaaté nèk ngrasa puas?
Apa buktiné nèk njenengan yakin Yéhuwah bakal nyukupi kebutuhané umaté?
BAHAN TAMBAHAN
Menurut Alkitab, apa nduwé dhuwit kuwi salah?
Pas ngekèki wong liya, awaké dhéwé kudu piyé bèn Gusti Allah seneng?
”Awaké Dhéwé Kudu Piyé Wektu Ngekèki Wong Liya?” (Artikel ing jw.org)
Apa judhi mung kanggo seneng-seneng kuwi ora apa-apa?
Deloken pengalamané wong sing ora seneng judhi lan ora ngrampok manèh merga sinau Alkitab.
”Aku Seneng Banget Balapan Kuda” (Warta Penting 1 November 2011)