Menurut Alkitab, Ngapa Kok Bumi Iki Rusak?

”Bumi iki wis rusak parah. Ana akèh kutha-kutha sing luwih rendah timbang ketinggian air laut. Terus ana gelombang panas sing parah, akèh badai, kekurangan banyu ing endi-endi. Terus, ya ana akèh kéwan lan tanduran sing punah. Menurut para peneliti, kuwi kelakon gara-gara manungsa.”​—Koméntaré António Guterres, Sekretaris Jéndral Perserikatan Bangsa-Bangsa soal laporan tanggal 4 April 2022 saka Déwan Antar Pemerintah untuk Perubahan Iklim.

”Menurut para peneliti, 423 taman nasional ing Amerika Serikat beberapa taun manèh isa waé rusak merga perubahan iklim. Kuwi kaya sing diramalké ing Alkitab, ana kebakaran, banjir, ès mencair, kenaikan air laut, lan gelombang panas.”​—”Banjir ing Yellowstone Kuwi Tandha Nèk Bakal Ana Akèh Bencana”, The New York Times, 15 Juni 2022.

Bumi iki wis rusak, tapi apa isa dadi apik manèh? Sapa sing isa nggawé bumi iki dadi apik manèh? Jawabané ana ing Alkitab.

Ramalan

Menurut Alkitab, Gusti Allah bakal ”nyingkirké wong-wong sing lagi ngrusak bumi”. (Wahyu 11:18) Kuwi berarti:

1. 1. Bumi rusak gara-gara manungsa.

2. 2. Sukmbèn ora ana manèh wong-wong sing ngrusak bumi.

3. 3. Sing isa nggawé bumi dadi apik manèh mung Gusti Allah.

Harapan

Menurut Alkitab ”bumi bakal tetep ana saklawasé” lan bakal terus dienggoni manungsa. (Pengkhotbah 1:4)

• ”Wong sing bener bakal manggon ing bumi lan bakal manggon ing kono saklawasé.”​—Mazmur 37:29.

Bumi iki bakal dadi apik manèh.

• ”Padhang belantara lan tanah sing gersang bakal ngrasa seneng. Padhang pasir bakal ngrasa seneng lan kebak kembang liar.”​—Yésaya 35:1.