Comstock Images/Stockbyte via Getty Images
KUDU TERUS JAGA-JAGA
Menurut Alkitab, Sapa Pemimpin sing Kudu Dipilih?
Wong-wong kudu milih pemimpin.
Menurut Alkitab piyé?
Manungsa nduwé keterbatasan
Ing Alkitab ditulis nèk manungsa nduwé keterbatasan.
”Aja percaya karo manungsa utawa para pemimpin sing ora isa nylametké. Wektu manungsa mati, dhèwèké bali dadi debu. Wektu kuwi, dhèwèké wis ora mikir apa-apa manèh.”—Mazmur 146:3, 4.
Pemimpin sing paling apik ya isa mati. Dadi, ora ana sing isa njamin nèk program-programé bakal dilanjutké karo pemimpin berikuté.—Pengkhotbah 2:18, 19.
Menurut Alkitab, manungsa ora bakal isa mréntah manungsa liyané.
”Wong sing mlaku ora isa ngarahké langkahé.”—Yérémia 10:23.
Terus sapa pemimpin sing paling apik?
Pemimpin sing dipilih Gusti Allah
Ing Alkitab disebutké nèk Gusti Allah wis milih Yésus Kristus dadi pemimpin. (Mazmur 2:6) Yésus kuwi Raja Kerajaané Gusti Allah ing swarga.—Matius 6:10.
Ngapa awaké dhéwé kudu milih Yésus dadi pemimpin? Ing Alkitab ana alesané.
”Kowé kudu ngajèni putrané, bèn Gusti Allah ora nesu lan bèn kowé ora mati, merga Dhèwèké isa ujug-ujug nesu. Wong sing nggolèk perlindungan marang Dhèwèké kuwi bahagia.”—Mazmur 2:12.
Saka ramalan-ramalan ing Alkitab, awaké dhéwé ngerti nèk Yésus mulai mréntah taun 1914 lan Kerajaané Gusti Allah bakal nyingkirké kabèh pamréntahané manungsa.—Danièl 2:44.
Bèn isa ndhukung Yésus lan Kerajaané Gusti Allah, wacanen artikel ”Ndhukung Kratoné Allah Saiki”.