Sinau Alkitab karo Seksi-Seksi Yéhuwah Kuwi Kaya Apa?
Seksi-Seksi Yéhuwah seneng mbantu njenengan sinau Alkitab. Nèk sinau Alkitab, njenengan isa ngerti soal:
Carané bèn bahagia
Carané bèn cedhak karo Gusti Allah
Janji ing Alkitab kanggo masa depan
Ing artikel iki bakal dibahas:
Sinauné piyé?
Mengko ana sing mbantu njenengan sinau Alkitab nganggo buku Bahagia Saklawasé—Pelajaran Alkitab. Sinauné urut sesuai topiké, bèn njenengan isa ngerti isiné Alkitab lan apa manfaaté. Nèk péngin ngerti luwih akèh, setèlen vidéo iki.
Apa sinauné mbayar?
Ora. Yésus ngandhani murid-muridé, ”Kowé nampa tanpa mbayar, mula wènèhna tanpa njaluk bayaran.” (Matius 10:8) Nèk njenengan njaluk Alkitab utawa buku Bahagia Saklawasé ora perlu mbayar.
Apa sinauné suwé?
Ing buku iki ana 60 pelajaran. Akèh sing seneng nèk sinau sak pelajaran utawa luwih saben minggu. Tapi, kuwi bergantung karo keadaané njenengan.
Nèk péngin sinau kudu piyé?
1. Ngisi formulir ing jw.org. Njenengan isa ngisi data pribadi bèn njenengan isa dihubungi.
2. Ana Seksi Yéhuwah sing bakal ngubungi. Dhèwèké bakal njelaské mengko sinauné piyé, terus njenengan ya éntuk takon-takon.
3. Janjian. Sinauné isa ketemu langsung, liwat télépon, video call, surat, utawa email. Biasané sinauné kira-kira sak jam, tapi kuwi bergantung karo keadaané njenengan.
Apa éntuk nyoba sik?
Ya. Njenengan isa ngisi formulir ing jw.org. Mengko nèk wis dihubungi, njenengan isa ngomong nèk péngin nyoba sik. Mengko njenengan bakal sinau nganggo buku Bahagia Saklawasé—Pelajaran Awal Sinau Alkitab sing isiné mung telu pelajaran.
Nèk sinau, apa kudu dadi Seksi Yéhuwah?
Ora. Seksi Yéhuwah seneng mbantu sinau Alkitab, tapi ora meksa wong-wong dadi Seksi Yéhuwah. Seksi Yéhuwah menghargai keputusané kabèh wong arep mèlu agama apa.—1 Pétrus 3:15.
Apa éntuk nganggo Alkitabku dhéwé?
Ya. Njenengan isa nganggo Alkitab sing biasané dienggo. Meskipun luwih seneng nganggo Kitab Suci Terjemahan Donya Anyar sing terjemahané gampang dipahami lan isa dipercaya, Seksi Yéhuwah ora meksa bèn wong liya ya nganggo kuwi.
Sinauné apa éntuk ngejak wong liya?
Éntuk. Njenengan isa ngejak keluarga utawa kanca.
Nèk mbiyèn wis tau sinau karo Seksi-Seksi Yéhuwah, apa éntuk sinau manèh?
Ya. Apa manèh saiki carané sinau wis béda. Sinauné luwih akèh nganggo vidéo, gambar, lan rembugan bareng.
Apa éntuk nèk sinau dhéwé?
Ya. Meskipun akèh sing seneng nèk sinauné ana sing mbantu, tapi ya ana sing seneng nèk sinau dhéwé sik. Njenengan isa mbukak bagéan Bantuan kanggo Sinau Alkitab ing jw.org. Ing kono ana:
Pertanyaan sing Dijawab ing Alkitab. Ana artikel-artikel sing mbahas pertanyaan sing jawabané ana ing Alkitab.
Ayat-Ayat Alkitab Dijelaské. Ana penjelasan soal artiné ayat-ayat sing terkenal ing Alkitab.