Apa Kudu Ngumpul Bareng Pas Ngibadah?

Jawaban ing Alkitab

Ya, soalé kuwi sing dikarepké Gusti Allah. Ana saran ngéné ing Alkitab, ”Ayo nggatèkké sedulur liya bèn awaké dhéwé isa saya nresnani liyané lan nindakké apa sing apik. Aja nganti awaké dhéwé nganggep nèk ngumpul kanggo ngibadah kuwi ora penting.”​—Ibrani 10:24, 25.

Yésus ya tau ngomong nèk murid-muridé kudu ngumpul kanggo ngibadah. Dhèwèké ngomong, ”Nèk saben wong ing antaramu padha-padha nresnani, kabèh wong bakal ngerti nèk kowé kuwi murid-muridku.” (Yohanes 13:35) Bèn isa nresnani, murid-muridé Yésus kudu ngumpul bareng. Wong-wong kuwi diatur lan dikumpulké bèn isa ngibadah bareng. (1 Korintus 16:19) Sak donya, wong-wong kuwi ya padha-padha nresnani kaya seduluré dhéwé.​—1 Pétrus 2:​17.

Ora cukup nèk mung nduwé agama

Menurut Alkitab, awaké dhéwé kudu ngumpul kanggo ngibadah. Tapi bèn isa nyenengké Gusti Allah, ora cukup nèk mung nduwé agama. Tingkah lakuné kudu sesuai karo sing dikarepké Gusti Allah. Contoné, ing Alkitab ana keterangan, ”Kanggoné Gusti Allah, Bapaké awaké dhéwé, ibadah sing suci lan ora najis kuwi kaya ngéné: ngopèni anak yatim piatu, ngopèni para randha sing sengsara, lan ngedohi tumindak sing najis saka donya iki.”​—Yakobus 1:​27.