SINAU SAKA ALKITAB | LUKAS 8-9
Apa sing Dibutuhké kanggo Dadi Muridé Yésus?
Bèn lurus, wong sing lagi ngluku ora éntuk ndelok mburi. Semono uga, wong Kristen kudu waspada bèn ora disimpangké karo perkara-perkara sing wis ditinggalké.—Flp 3:13.
Wektu ngadhepi masalah, mbokmenawa kita mikir, ’Isih pénak jaman mbiyèn,’ mungkin sakdurungé sinau Alkitab. Wektu kuwi, sing kita pikirké mung sing apik-apik, lan lali karo sing susah-susah. Kuwi sing dipikirké wong-wong Israèl sakwisé metu saka Mesir. (Wi 11:5, 6) Nèk kuwi terus dipikirké, kita isa kegodha kanggo nglakoni urip kaya mbiyèn manèh. Timbang kaya ngono, luwih apik nèk kita mikirké berkah-berkah sing kita tampa saiki lan sukmbèn wektu Kratoné Allah mréntah.—2Kor 4:16-18.