Berita Utama Alkitab

Vèrsi Tercétak

Yéhuwah kuwi sing nduwé hak kanggo mréntah. Carané Yéhuwah mréntah kuwi sing paling apik. Karepé Yéhuwah kanggo bumi lan manungsa bakal kelakon.

Adam lan Hawa ing Taman Èden. Ana ula ing cedhaké

Sakwisé 4026 SM

”Ula” utawa Sétan ora ngakoni nèk Yéhuwah sing nduwé hak kanggo mréntah. Yéhuwah janji nèk ana ’keturunan’, utawa ’benih’, sing bakal teka lan akhiré ngremuk ula kuwi. (Purwaning Dumadi 3:1-5, 15, cathetan ing ngisor) Ning kanggo sementara waktu, Yéhuwah ngijinké manungsa mréntah manungsa liyané lan dipengaruhi Sétan.

1943 SM

Yéhuwah ngandhani Abraham nèk ’keturunan’ sing dijanjèkké kuwi asalé saka keturunané. —Purwaning Dumadi 22:18.

Sakwisé 1070 SM

Yéhuwah janji nèk ’keturunan’ sing dijanjèkké kuwi bakal lair saka keturunané Raja Daud lan Salomo, anaké.—2 Samuèl 7:12, 16; 1 Para Raja 9:3-5; Yésaya 9:6, 7.

29 M

Yéhuwah nduduhké nèk Yésus kuwi ’keturunan’ sing dijanjèkké lan sing dadi ahli warisé Daud.—Galatia 3:16; Lukas 1:31-33; 3:21, 22.

33 M

Pas Yésus mati, ramalan soal ula sing ngremuk tungkaké ’keturunan’ kuwi kelakon. Ning, Yéhuwah nguripké Yésus manèh. Sakwisé Yésus munggah swarga, Yéhuwah nampa korban tebusané Yésus sing sampurna. Hasilé, manungsa isa diapura dosané lan nduwé harapan urip saklawasé.—Purwaning Dumadi 3:15; Kisah 2:32-36; 1 Korintus 15:21, 22.

Ula, yaiku Sétan, diuncalké menyang bumi kaya sing wis diramalké ing buku Wahyu

Kira-kira 1914 M

Yésus nguncalké ula, yaiku Sétan, menyang bumi. Ning, Sétan mung diwènèhi wektu sedhéla.—Wahyu 12:7-9, 12.

Yésus mréntah bumi saka swarga kaya sing wis diramalké ing buku Wahyu

Sukmbèn

Yésus bakal ngurung Sétan 1000 taun suwéné. Bar kuwi, Yésus bakal numpes Sétan, lan ramalan soal endhasé ula sing diremuk dadi kelakon. Akhiré, jenengé Yéhuwah disucèkké, carané Yéhuwah mréntah kebukti sing paling apik, lan karepé Yéhuwah kanggo bumi lan manungsa kelakon.—Wahyu 20:1-3, 10; 21:3, 4.