Nèk nduwé pendirian, kowé ora bakal gampang dipengaruhi wong
KANGGO CAH ENOM
9 Nduwé Pendirian
MAKSUDÉ
Nèk nduwé pendirian, berarti kowé ngerti kowé kuwi wongé kaya apa lan kowé ngerti apa sing mbok percaya.
NGAPA KOK PENTING
Nèk nduwé pendirian, kowé ngerti kowé kudu piyé lan kowé ora mung bakal mèlu-mèlu kancamu.
”Akèh wong saiki senengé niru-niru wong liya, misalé soal milih klambi.”—Adrian.
”Kanca sing apik kuwi nèk dhèwèké menghargai pendirianku.”—Courtney.
AYAT: ”Aja dipengaruhi karo donya iki manèh. Ning, kowé kudu ngubah pikiranmu.”—Roma 12:2.
KUDU PIYÉ
Pikirna, ’Saiki aku ki wongé kaya apa? Terus, aku péngin dadi wong sing kaya apa?’ Kowé kudu ngerti sik apa waé kelebihan karo kekuranganmu, lan apa sing mbok percaya. Pikirna pertanyaan-pertanyaan iki:
Kelebihan: Bakat lan ketrampilanku apa waé? Apa aku wongé tepat waktu, ora gampang nesu, rajin, lan ora pelit? Apa aku apikan karo wong liya?
SARAN: Nèk bingung kelebihanmu apa, takona wong tuwamu utawa sahabatmu.
AYAT: ”Saben wong kudu mriksa tumindaké dhéwé. Dhèwèké bakal bahagia merga apa sing wis ditindakké, dudu merga mbandhingké karo wong liya.”—Galatia 6:4.
Kekurangan: Sipat-sipat apa waé sing kudu tak upayakké? Aku biasané dadi luwih gampang tergoda nglakoni sing salah nèk pas apa?
AYAT: ”Nèk awaké dhéwé kandha, ’Aku ora nduwé dosa,’ kuwi artiné awaké dhéwé ngapusi.”—1 Yohanes 1:8.
Sing tak percaya: Apa aku ngerti endi sing bener lan endi sing salah? Apa aku percaya karo Gusti Allah? Apa sing nggawé aku yakin nèk Gusti Allah kuwi ana? Menurutku, piyé masa depané manungsa?
AYAT: ”Kowé bakal isa mikir, lan pertimbangan sing apik bakal nglindhungi kowé.”—Wulang Bebasan 2:11.