გააცოცხლეთ ბიბლიური ისტორიები

ბიბლიაში არაერთი ისტორიაა ჩაწერილი, რომლებიც მნიშვნელოვან გაკვეთილს გვასწავლის. თუ ამ ისტორიებს გონებაში გავაცოცხლებთ, უკეთესადაც გავიაზრებთ და საკუთარ თავსაც ადვილად დავუკავშირებთ. ამაში ქვემოთ მოცემული რჩევები დაგვეხმარება.

• წაიკითხეთ ხმამაღლა. ხმამაღლა წაკითხვა დაგეხმარებათ, უკეთ წარმოიდგინოთ ბიბლიური მონაკვეთი. თუ ოჯახთან ერთად კითხულობთ ბიბლიას, შეგიძლიათ სხვადასხვა პერსონაჟის როლი მოირგოთ, რაც კიდევ უფრო რეალურს გახდის წაკითხულს.

• ჩართეთ წარმოსახვის უნარი. შეეცადეთ, ბიბლიური პერსონაჟის ადგილას წარმოიდგინოთ თავი. ამას შემდეგი კითხვები გაგიადვილებთ: რატომ მოიქცა ასე ან რატომ თქვა ასეთი რამ? მე რას ვიფიქრებდი ან ვიგრძნობდი მის ადგილას?

• გააკეთეთ ჩანახატი. ამა თუ იმ სცენის ნახატით გაცოცხლება დაგეხმარებათ, უკეთ აღიქვათ და დაიმახსოვროთ წაკითხული. ამისთვის სულაც არაა საჭირო, რომ ხატვის ნიჭით გამოირჩეოდეთ.