როგორ ზრუნავს ღმერთი სმენადაქვეითებულებზე?

დღეს მსოფლიოში დაახლოებით 70 მილიონი ყრუ და სმენადაქვეითებული ადამიანია. ისინი მთლიანობაში 200-ზე მეტ ჟესტურ ენას იყენებენ.სამწუხაროდ, სმენადაქვეითებული ადამიანები ხშირად უსამართლო მოპყრობის მსხვერპლი ხდებიან. ამაზე ქვემოთ მოყვანილი წყაროებიც მოწმობს:

• „ყრუ და სმენადაქვეითებული ადამიანების უფლებები მთელ მსოფლიოში ხშირად ირღვევა“ (National Association of the Deaf U.S.).

• „განვითარებად ქვეყნებში სმენადაქვეითებული ადამიანები უკიდურეს სიღარიბეში ცხოვრობენ. მათ ხელი არ მიუწვდებათ სათანადო განათლებასა და ინფორმაციაზე და ვერც შესაფერის სამუშაოს შოულობენ“ (World Federation of the Deaf).

როგორი დამოკიდებულება აქვს ღმერთს სმენადაქვეითებული ადამიანების მიმართ? რას ამბობს ბიბლია სმენადაქვეითებულებზე? რას აკეთებენ იეჰოვას მოწმეები ასეთი ადამიანების დასახმარებლად?

როგორ უყურებს ღმერთი სმენადაქვეითებულებს?

ბიბლიიდან ვიგებთ, რომ იეჰოვასa ადარდებს სმენადაქვეითებულთა მდგომარეობა და სურს, რომ მათ სამართლიანად ეპყრობოდნენ. აგრეთვე ღმერთს სურს, რომ ასეთმა ადამიანებმა ბიბლიური ცოდნა მიიღონ.

ბიბლიური მუხლი: „არ დასწყევლო ყრუ“ (ლევიანები 19:14).

ბიბლიური მუხლი: „ღმერთი მიუკერძოებელია“ (საქმეები 10:34).

ბიბლიური მუხლი: „იესო დადიოდა [და] . . . ქადაგებდა სასიხარულო ცნობას სამეფოს შესახებ“ (მათე 9:35).

ბიბლიური მუხლი: „ყრუებს სმენას უბრუნებს და მუნჯებს ამეტყველებს“ (მარკოზი 7:37).

ბიბლიური მუხლი: „ყრუები გაიგონებენ“ (ესაია 35:5).

არსი: იეჰოვამ იწინასწარმეტყველა, რომ ყრუებს სმენა დაუბრუნდებათ (ესაია 29:18).

რას აკეთებენ იეჰოვას მოწმეები სმენადაქვეითებული ადამიანების დასახმარებლად?

იეჰოვას მოწმეები იმედის მომცემ ცნობას უზიარებენ სმენადაქვეითებულ ადამიანებს მთელ მსოფლიოში. რა მეთოდებს იყენებენ ამისთვის? ისინი ასზე მეტ ჟესტურ ენაზე ამზადებენ ბიბლიას და ბიბლიაზე დაფუძნებულ ვიდეოებს; აგრეთვე ატარებენ ბიბლიის შესწავლებს და ქრისტიანულ შეხვედრებს ჟესტურ ენებზე. ეს ყველაფერი სრულიად უფასოდ ხდება იესოს შემდეგი სიტყვების საფუძველზე: „უსასყიდლოდ გაქვთ მიღებული და უსასყიდლოდვე გაეცით“ (მათე 10:8).

ჟესტურენოვანი მასალის გასაცნობად, შეგიძლიათ ისარგებლოთ შემდეგი საშუალებებით:

JW.ORG. თქვენთვის სასურველი ჟესტური ენის ასარჩევად, დააწკაპუნეთ ვებსაიტის ზედა ნაწილში არსებულ ენის ღილაკს.

„JW ბიბლიოთეკა ჟესტურ ენაზე“. ამ უფასო აპლიკაციის მეშვეობით შეძლებთ, ჩამოტვირთოთ ან ონლაინ ნახოთ ჟესტურენოვანი ვიდეოები.

რა საშუალებებით ვეხმარებით სმენადაქვეითებულებს ბიბლიური ცოდნის მიღებაში?

ბიბლია ჟესტურ ენაზე. „ახალი ქვეყნიერების თარგმანი“ ამერიკულ ჟესტურ ენაზე იყო ჟესტურ ენაზე გამოცემული პირველი სრული ბიბლია. ბიბლიის „ახალი ქვეყნიერების თარგმანი“ სრულად ან ნაწილობრივ უკვე ხელმისაწვდომია არაერთ ჟესტურ ენაზე. ამ ენების რიცხვი ყოველწლიურად იზრდება. (თუ გსურთ შეიტყოთ, რომელ ჟესტურ ენებზეა ბიბლია ხელმისაწვდომი, შეგიძლიათ იხილოთ ჩარჩო „ახალი ქვეყნიერების თარგმანი“ ჟესტურ ენაზე“).

• თუ გსურთ შეიტყოთ, როგორ მზადდება ბიბლიები ჟესტურ ენებზე, უყურეთ ვიდეოს „ბიბლიის „ახალი ქვეყნიერების თარგმანი“ უკვე ხელმისაწვდომია ამერიკულ ჟესტურ ენაზე“.

• ბიბლიის კითხვის პროცესის გასამარტივებლად დააყენეთ აპლიკაცია „JW ბიბლიოთეკა ჟესტურ ენაზე“. ამ აპლიკაციის დახმარებით შეძლებთ, მოძებნოთ ცალკეული ბიბლიური მუხლები.

• დიმიტრი და ვიტა სმენადაქვეითებული წყვილია, მათ შვილებს კი აქვთ სმენა. ნახეთ, როგორ სარგებლობს ეს ოჯახი ყოველდღიურად ჟესტურენოვანი ბიბლიით.

ვიდეოები, რომლებიც ბიბლიას გვაცნობს. იეჰოვას მოწმეები ამზადებენ ჟესტურენოვან ვიდეოებს, რომლებიც ბიბლიაში ჩაწერილი რჩევების გამოყენებაში ეხმარება:

• ოჯახებს

• ახალგაზრდებს

• ბავშვებს

ბიბლიის ინდივიდუალური სასწავლო კურსი. შეისწავლეთ ბიბლია ჟესტურ ენაზე მასწავლებელთან ერთად თქვენთვის სასურველი ტემპით. სთხოვეთ, გაჩვენონ, როგორ ტარდება ბიბლიის შესწავლა.

ჯესონ სენაჰონენი ფილიპინებში ცხოვრობს. ნახეთ, როგორ დაეხმარა მას ბიბლიის სასწავლო კურსი ღმერთთან დაახლოებაში.

მარიო ანტუნეზი მღვდლად მსახურობდა ჰონდურასში. გაეცანით მის ბიოგრაფიას, „კითხვები უფრო მეტი მქონდა, ვიდრე პასუხები“ და შეიტყვეთ, როგორ იპოვა მან ბიბლიურ შეკითხვებზე პასუხები.

შეხვედრები და ღონისძიებები. მსოფლიო მასშტაბით იეჰოვას მოწმეთა არაერთი ჟესტურენოვანი კრება და ჯგუფი ფუნქციონირებს, სადაც სმენადაქვეითებული ადამიანები ყოველკვირა იკრიბებიან ბიბლიის შესასწავლად და ღვთის თაყვანსაცემად. ბიბლიური განათლების მისაღებად იეჰოვას მოწმეები ყოველწლიურად უფრო ფართომასშტაბიან შეხვედრებსაც მართავენ ჟესტურ ენაზე. ეს შეხვედრები და ღონისძიებები ტაქტილურ ენაზეც ითარგმნება მათთვის, ვისაც სმენასთან ერთად მხედველობაც დაქვეითებული აქვთ. იეჰოვას მოწმეები აგრეთვე ბრაილის შრიფტითაც გამოსცემენ ბიბლიურ ლიტერატურას, რომელიც უფასოდაა ხელმისაწვდომი.

• იპოვეთ უახლოესი შეხვედრის ადგილი.

• შეიტყვეთ მეტი იეჰოვას მოწმეთა კონგრესების შესახებ.

• დაესწარით წლის ყველაზე მნიშვნელოვან ღონისძიებას – იესო ქრისტეს სიკვდილის გახსენების საღამოს.

ხოსე ლუის აიალა მექსიკაში ცხოვრობს. ის დაბადებიდან ყრუ იყო, მოგვიანებით კი დაბრმავდა კიდეც. შეიტყვეთ, როგორ დაეხმარნენ მას, გამხდარიყო ბიბლიის დახელოვნებული მასწავლებელი.