ვინ იყო იესო ქრისტე?

იეჰოვამ იესო დედამიწაზე მოავლინა (1 იოანე 4:9).

თუ გვსურს, ვასიამოვნოთ იეჰოვა ღმერთს, ჩვენ კიდევ ერთ განსაკუთრებულ პიროვნებას უნდა მოვუსმინოთ. ადამის შექმნამდე, დიდი ხნით ადრე, იეჰოვამ ზეცაში ძლევამოსილი ანგელოზი შექმნა.

გავიდა დრო და იეჰოვამ ეს ანგელოზი დედამიწაზე ადამიანად მოავლინა. ის ქალწულმა მარიამმა ბეთლემში შვა. ბავშვს იესო დაარქვეს (იოანე 6:38).

დედამიწაზე ცხოვრების დროს იესო სრულყოფილად ავლენდა ღვთის თვისებებს. ის იყო კეთილი, მოსიყვარულე და უშუალო. იესო ქრისტე გაბედულად ასწავლიდა ხალხს ჭეშმარიტებას იეჰოვა ღმერთის შესახებ.

იესო ყველას სიკეთეს უკეთებდა, თუმცა ის შეიძულეს (1 პეტრე 2:21—24).

რელიგიურ წინამძღოლებს სძულდათ იესო, რადგან ააშკარავებდა მათ ცრუ სწავლებებს და ბოროტ საქმეებს.

იესო ავადმყოფებს კურნავდა და მკვდრებს აცოცხლებდა.

რელიგიური წინამძღოლების წაქეზებით რომაელებმა იესო გაშოლტეს და მოკლეს.