ეპაფრა

[ეპაფროდიტეს შემოკლებული ფორმა]

ქრისტეს ერთგული მიმდევარი, რომელმაც კოლოსელებს სასიხარულო ცნობა უქადაგა და ღვთის წყალობის შესახებ ამცნო. ამგვარად, როგორც ჩანს, მან მნიშვნელოვანი როლი შეასრულა კოლოსეს კრების ჩამოყალიბებაში. პავლეს პირველი პატიმრობის დროს ეპაფრა რომში ჩავიდა და მას კოლოსელი ქრისტიანების სიყვარულისა და სიმტკიცის შესახებ ამცნო, რამაც გაამხნევა მოციქული (კლ. 1:4—8). როგორც ჩანს, ის რომში გარკვეულ ხანს დარჩა, რადგან კოლოსელებისთვის მიწერილ წერილში პავლე მათ ეპაფრასგან გადასცემს მოკითხვას და წერს, რომ იგი დაუღალავად ლოცულობს მათთვის, „რათა ბოლომდე დარჩნენ სრულყოფილნი და მტკიცედ დარწმუნებულნი ყველაფერში“. როგორც პავლე აღნიშნავს, ყველასთვის საყვარელი ეპაფრა, ქრისტე იესოს მონა, ძალას არც ლაოდიკეელთა და ჰიერაპოლისელთათვის იშურებდა (კლ. 4:12, 13). პავლე ეპაფრას მოკითხვას ფილიმონსაც გადასცემს მისთვის მიწერილ წერილში და მას თანაპატიმრად მოიხსენიებს (ფლმ. 23). ეპაფრა არ უნდა აგვერიოს ფილიპელ ეპაფროდიტეში.