ჰერმესი

1. რომის ქრისტიანული კრების ერთ-ერთი წევრი, რომელსაც პავლემ მოკითხვა შეუთვალა (რმ. 16:14).

2. ბერძნული ღვთაება, ზევსისა და მაიას ვაჟი. შეესაბამება რომაელთა ვაჭრობის ღვთაება მერკურის. ჰერმესი ღმერთების მაცნედ მიიჩნეოდა. ის გმირთა გონიერი მრჩეველი, ვაჭრობის, ენამჭევრობის, ტანვარჯიშის, ძილისა და სიზმრების ღვთაება იყო. რომაელთა რწმენით იგი ცოცხლებს ხელს უმართავდა და მკვდრებს ჰადესამდე აცილებდა.

როცა ლისტრაში ყოფნისას პავლე მოციქულმა დაბადებიდან წელს ქვემოთ მოწყვეტილი კაცი განკურნა, ადგილობრივებმა ის ჰერმესად შერაცხეს, რადგან „საუბარი მას მიჰყავდა“ (სქ. 14:8—13). პავლეს ჰერმესთან გაიგივება გასაკვირი არ იყო, რადგან ჰერმესი ღვთის მაცნედ და მჭევრმეტყველების ღმერთად მიაჩნდათ. ლისტრელები ჰერმესის თაყვანისმცემლები რომ იყვნენ, ამას ადასტურებს 1909 წელს ლისტრის მახლობლად ნაპოვნი წარწერა: „ტუეს მაკრინუსმა, აგრეთვე აბასკანთად წოდებულმა, და ბატასისმა, ბრეტასისის ძემ, დადებული აღთქმისამებრ თავიანთი ხარჯით დიდებული ჰერმესი [ქანდაკება] და მზის საათი მიუძღვნეს ზევსს, მზის ღმერთს“ (The International Standard Bible Encyclopaedia, ჯ. ორის რედაქციით, 1960, ტ. III, გვ. 1944).