მარადიულ სიცოცხლემდე მიმყვანი შემეცნების გავრცელება
1 იეჰოვა არის „ის, ვინც ასწავლის ადამიანს ჭკუას“ (ფსალმ. 93:10). ის გვიყენებს, რომ ღვთის შესახებ სიცოცხლის გადამრჩენი შემეცნება იმ ადამიანებთან გავავრცელოთ, რომლებმაც არ იციან, სათანადოდ როგორ ემსახურონ მას. წიგნი „მარადიულ სიცოცხლემდე მიმყვანი შემეცნება“ შესანიშნავი სახელმძღვანელოა, რომლის მეშვეობითაც გულწრფელ პიროვნებებს შეუძლიათ ღვთის შესახებ მიიღონ ზუსტი შემეცნება მისი სიტყვიდან, ბიბლიიდან (1 ტიმ. 2:3, 4). „შემეცნების“ წიგნში ჭეშმარიტების ნათელი და ლოგიკური განვითარება დაეხმარება ადამიანებს, მიხვდნენ, თუ რის სწავლება სურს მათთვის იეჰოვას. ამ თვეში გვინდა, რომ საუბარში ჩავაბათ ხალხი, რაც წიგნის წაკითხვის სურვილს აღუძრავს მათ. აქ მოცემულია ზოგიერთი რჩევა. დაზეპირების ნაცვლად, ეცადე, მთავარი აზრები შენი სიტყვებით და ბუნებრივად გადმოსცე.
2 რადგან მრავალმა დაკარგა საყვარელი ადამიანი, შეგიძლია საუბრისას შესაბამისად შესთავაზო აღდგომის იმედი შემდეგი სიტყვებით:
„მრავალ ჩვენგანს დაღუპვია საყვარელი ადამიანი. ნუთუ არ გსურთ იცოდეთ, შეგიძლიათ თუ არა მათი კვლავ ნახვა? [საშუალება მიეცი გიპასუხოს]. ღმერთს არ განუზრახავს ადამიანისთვის სიკვდილი. იესომ დაამტკიცა, რომ ჩვენი საყვარელი ადამიანების სიკვდილიდან დახსნა შესაძლებელია. [წაიკითხე იოანე 11:11, 25, 44]. მიუხედავად იმისა, რომ ეს საუკუნეების წინ მოხდა, ეს გვიჩვენებს, თუ რა განიზრახა ღმერთმა ჩვენთვის. [გადაშალე წიგნი „შემეცნება“ 85-ე გვერდზე მოცემულ სურათზე და წაუკითხე კომენტარი. შემდეგ უჩვენე 86-ე გვერდზე მოცემული სურათი და კომენტარი გაუკეთე მას]. თუ გსურთ უფრო მეტი წაიკითხოთ აღდგომის ამ მანუგეშებელი იმედის შესახებ, სიამოვნებით დაგიტოვებთ ამ წიგნს“.
3 აღდგომის იმედზე პირველი საუბრის შემდეგ იგივე პიროვნებასთან მომდევნო საუბარი შეგიძლია შემდეგნაირად დაიწყო:
„ალბათ გახსოვთ ჩემი ნათქვამი, რომ ღმერთს არ ჰქონდა განზრახული ადამიანისთვის სიკვდილი. თუ ეს ჭეშმარიტებაა, მაშ, რატომღა ვბერდებით და ვკვდებით? ზოგი კუ 100 წელზე მეტ ხანს ცხოვრობს და ზოგი ხე ათასობით წლისაა. რატომ ცხოვრობენ ადამიანები მხოლოდ 70 ან 80 წელს? [საშუალება მიეცი გიპასუხოს]. ჩვენ ვკვდებით, რადგან პირველი ადამიანები არ დაემორჩილნენ ღმერთს“. წაუკითხე რომაელთა 5:12. წიგნი „შემეცნება“ გადაშალე 53-ე გვერდზე და წაუკითხე სათაური. განიხილე პირველი სამი აბზაცი და ყურადღება გაამახვილე დაბეჭდილი კითხვების პასუხებზე. დანიშნე დრო განმეორებითი მონახულებისთვის, რათა გააგრძელოთ იმ თავის დარჩენილი ნაწილის განხილვა. აღძარი პიროვნება, რომ ამ დროის განმავლობაში დაასრულოს წაკითხვა.
4 თუ ესაუბრები პიროვნებას, რომელსაც ეტყობა, რომ რელიგიურია, შეგიძლია უთხრა:
„პირდაპირი გაგებით, დღეს ასობით სხვადასხვა რელიგიაა. ისინი ასწავლიან მრავალნაირ ურთიერთსაწინააღმდეგო რწმენას. ზოგიერთი ადამიანი ამბობს, რომ ყველა რელიგია კარგია და მნიშვნელობა არა აქვს, რა გვწამს. თქვენ როგორ ფიქრობთ? [საშუალება მიეცი გიპასუხოს]. იესო ასწავლიდა ჭეშმარიტ რელიგიას და აჩვენა, რომ სხვანაირი თაყვანისცემა არ არის ღვთისათვის მისაღები [წაუკითხე მათე 7:21–23]. თუ გვსურს, ვასიამოვნოთ ღმერთს, თაყვანი უნდა ვცეთ მისი ნების თანახმად“. გადაშალე წიგნი „შემეცნება“ მე-5 თავზე, წაუკითხე სათაური და ყურადღება გაამახვილე ზოგიერთ ქვესათაურზე. აუხსენი, რომ ეს ინფორმაცია დაეხმარება მას, ისწავლოს, როგორ ასიამოვნოს ღმერთს. თუ გამოავლენს წაკითხვის სურვილს, დაუტოვე წიგნი და ახსენე, რომ აიღებ შესაწირავს ჩვენი მსოფლიო საქმისთვის.
5 მრავალი რელიგიებისგან თავგზააბნეული ადამიანები შეიძლება იმ კითხვაზე პასუხის მადლიერნი იყვნენ, რომელსაც განმეორებითი მონახულებისას დასვამ:
„ასე მრავლად არსებულ სხვადასხვა რელიგიებს შორის როგორ შეგვიძლია განვსაზღვროთ, რომელია ჭეშმარიტი? თქვენ რას მიაქცევდით ყურადღებას? [საშუალება მიეცი გიპასუხოს]. იესომ გვითხრა, როგორ გამოგვეცნო მისი ჭეშმარიტი მიმდევრები“. წაუკითხე იოანეს 13:35. წიგნიდან „შემეცნება“ განიხილე მე-5 თავის მე-18 და მე-19 აბზაცები. ხაზი გაუსვი, რომ სახელმძღვანელო მუხლებითა და გამორჩევის მეთოდით პიროვნებას შეუძლია გამოიცნოს ჭეშმარიტი რელიგია. უთხარი, როგორ არიან ცნობილნი იეჰოვას მოწმეები მთელ მსოფლიოში მათი ნამდვილი სიყვარულითა და მაღალი ზნეობრივი ნორმებით. აუხსენი, წიგნის, „შემეცნების“ გამოყენებით ბიბლიის შესწავლა როგორ დაანახვებს ნათლად ღვთის მიერ გამართლებულ თაყვანისცემას.
6 თუ მშობელს შეხვდი, ეფექტური იქნება ეს შეთავაზება:
„ყოველდღიურად ვიგებთ ამბავს ახალგაზრდების უმართავი ქცევის შესახებ, რომლებსაც, როგორც ჩანს, არავითარი ზნეობრივი ნორმები არ გააჩნიათ. უფროსი ასაკის ზოგიერთი ადამიანს სურს, დაადანაშაულოს სკოლის სისტემა, რადგან არ ასწავლიან ბავშვებს ზნეობრივ ნორმებს. როგორ ფიქრობთ, ვინ უნდა შემოგვთავაზოს ეს აღზრდა? [საშუალება მიეცი გიპასუხოს]. მოუსმინეთ, რას ლაპარაკობს ბიბლია ამ საკითხთან დაკავშირებით. [წაუკითხე ეფესელთა 6:4]. ეს გვეუბნება, რომ ბავშვებში ზნეობრივი ნორმების ჩანერგვა მშობლების პასუხისმგებლობაა“. წიგნი „შემეცნება“ გადაშალე 145-ე გვერდზე, წაუკითხე მე-16 აბზ. და კომენტარი გაუკეთე 147-ე გვერდზე მოცემულ სურათს. აუხსენი, რომ წიგნი განკუთვნილია მთელი ოჯახის სასწავლებლად. მე-17 და მე-18 აბზაცების გამოყენებით, რომლებიც მოთავსებულია 146-ე გვერდზე, უჩვენე, როგორ ვატარებთ შესწავლას ოჯახებთან.
7 თუ პირველი მისვლისას შესწავლა დაიწყე დანაღვლიანებულ მშობელთან, განმეორებითი მონახულებისას ის შემდეგი სიტყვებით შეგიძლია გააგრძელო:
„დღევანდელი წუთისოფელი მრავალ ცდუნებაში აგდებს ჩვენს ახალგაზრდებს. რაც უფრო იზრდებიან, ეს ძალიან რთულს ხდის მათთვის, რომ გახდნენ ღვთისმოშიშნი. შესაძლოა, გახსოვთ, რომ ჩვენი საუბრის ბოლოს გამოვყავით ორი პრინციპი. როგორც ღვთისმოშიშ მშობლებს, გვესაჭიროება, კარგი მაგალითი მივცეთ შვილებს და მათდამი გამუდმებით გამოვავლინოთ სიყვარული. როგორც ბიბლია ამბობს, არის სხვა რამ, რაც შვილებს ესაჭიროებათ მშობლებისაგან“. წაუკითხე იგავნის 1:8. წიგნი „შემეცნება“ გადაშალე 148-ე გვერდზე და გააგრძელე შესწავლა 19–23-ე აბზაცების განხილვით. შესთავაზე, რომ კვლავ მოინახულებ და მთელ ოჯახთან ერთად 1-ლი თავიდან გააგრძელებ შესწავლას.