ღვთის შემეცნება მრავალ კითხვას პასუხობს
1 სანამ ზუსტ შემეცნებას მიიღებდი ჭეშმარიტების შესახებ, ალბათ, მრავალი შეკითხვა გაწუხებდა ცხოვრებაზე, რომლებზეც პასუხებს ვერ პოულობდი. რა ბედნიერი იყავი, როცა ბიბლიიდან პასუხები მიიღე ამ კითხვებზე! ახლა შეგიძლია სხვებს დაეხმარო იმავე პასუხების პოვნაში (შეადარე 2 ტიმოთე 2:2). შენ შეძლებ მარადიულ სიცოცხლემდე მიმყვანი ღვთის შემეცნების მათთვის გაზიარებას (იოანე 17:3). მაგრამ როგორ შეგიძლია სხვისი დახმარება, მიხვდეს ამ შემეცნების ფასს? აბა დაფიქრდი იმ კითხვებზე, რომლებზეც ჭეშმარიტება გპასუხობს. რის ცოდნა სურთ ჭეშმარიტების მძებნელებს? თუ ყოველთვის ეს აზრები გექნება გონებაში, დაგეხმარება წიგნის „მარადიულ სიცოცხლემდე მიმყვანი შემეცნების“ შეთავაზებაში. მომდევნო რჩევები დაგეხმარება ივნისში დამოწმებისთვის მომზადებაში.
2 რადგან მრავალს სურს იცოდეს, რატომ არის ქვეყანაზე ამდენი ტანჯვა, შეიძლება ამ შეთავაზებამ გამოიწვიოს კარგი გამოხმაურება:
◼ „როცა უბედურება ხდება ან როცა ბოროტმოქმედება და ძალადობა იზრდება, ხშირად ადამიანებს ებადებათ კითხვა, თუ რატომ ხდება ასეთი საშინელებები. თქვენ როგორ უპასუხებდით?“ საშუალება მიეცი, გიპასუხოს და მადლიერება გამოხატე მისი პასუხისთვის. შემდეგ „შემეცნება“ გადაშალე მე-8 თავზე და ყურადღება გაამახვილე მე-2 აბზაცში ნათქვამზე. აუხსენი, რომ ეს წიგნი ბიბლიის საფუძველზე ხსნის, რატომ ხდება ბოროტი საქმეები და უთხარი: „თუ დამპირდებით, რომ ამ წიგნს წაიკითხავთ, დიდი სიხარულით დაგიტოვებდით ამ ეგზემპლარს“. წიგნის აღების შემთხვევაში აუხსენი შესაწირავების ღონისძიების შესახებ.
3 როცა კვლავ მიდიხარ იქ, სადაც დატოვე „შემეცნება“, შეგიძლია უთხრა:
◼ „მაინტერესებს, რა დასკვნამდე მიხვედით იმის შესახებ, თუ რატომ არის ამდენი ტანჯვა ქვეყანაზე. ეთანხმებით ამ წიგნში მოცემულ ბიბლიურ პასუხს?“ საშუალება მიეცი, გიპასუხოს. წაიკითხე მე-17 აბზაცი 77-ე გვერდზე წიგნში „შემეცნება“ და შესთავაზე მობინადრეს, თავისი ბიბლიიდან წაიკითხოს რომაელთა 9:14. შემდეგ უთხარი: «კეთილი ცნობა ის არის, რომ ღმერთი უსამართლოდ არ იწვევს ჩვენში ტკივილსა და ტანჯვას. მან აღგვითქვა მარადიული სიცოცხლის მოცემა მშვიდობითა და ბედნიერებით. ამ წიგნის პირველი თავის სათაურია: „შენ შეგიძლია გქონდეს ბედნიერი მომავალი!“ მსურს, აგიხსნათ, როგორ შეგიძლიათ ამის მიღწევა თქვენც და თქვენს საყვარელ ადამიანებსაც». გადაშალე პირველ თავზე და აჩვენე შესწავლის მეთოდი. პირველი თავის იმდენი ნაწილი განიხილე, რამდენიც შესაფერისი იქნება იმ ვითარებებში.
4 შეგიძლია იმ შეთავაზების ამორჩევა, რომელიც მოცემულია მე-7 გვერდზე ქვესათაურით „ხანდაზმულობა/სიკვდილი“ ბროშურაში „როგორ დავიწყოთ და გავაგრძელოთ ბიბლიურ თემაზე საუბარი“:
◼ «დაგბადებიათ თუ არა ოდესმე შეკითხვა: „არის თუ არა სიკვდილი ყველაფრის დასასრული? ან არსებობს თუ არა რამე სიკვდილის შემდეგ?“ (საშუალება მიეცი, გიპასუხოს). ბიბლია ნებისმიერ საკითხს გვიხსნის სიკვდილის შესახებ (წაიკითხე ეკლესიასტე 9:5, 10). ეს აჩვენებს კიდეც, რომ ნამდვილი იმედი არსებობს მათთვის, რომლებსაც რწმენა აქვთ („შემეცნება“ გადაშალე 84-ე გვერდზე, მე-13 აბზაცზე, წაიკითხე და ახსენი იოანეს 11:25-ში მოცემული იესოს სიტყვები). მთელი ეს თავი მიძღვნილია მომდევნო კითხვის პასუხზე: რა ემართებათ ჩვენს საყვარელ მიცვალებულებს? თუ გსურთ წაკითხვა, შემიძლია ამ ეგზემპლარის დატოვება თქვენთვის“». მიეცი მობინადრეს შესაძლებლობა, გაიღოს შესაწირავი.
5 როცა განმეორებით მონახულებას აკეთებ, შეგიძლია განაახლო ნაცნობობა და შემდეგ უთხრა:
◼ «წინა შეხვედრაზე ჩვენ ვსაუბრობდით, თუ რა ემართება პიროვნებას სიკვდილის შემდეგ. მრავალს სწამს, რომ ნებისმიერი სიცოცხლე სიკვდილის შემდეგ ან ცაში მიდის, ან ჯოჯოხეთში. მაგრამ გიფიქრიათ თუ არა ოდესმე შესაძლებლობაზე, რომ მკვდარი კვლავ იცოცხლებს აქ, დედამიწაზე? (საშუალება მიეცი, გიპასუხოს). ბიბლიის თანახმად, აღდგენილები იცხოვრებენ იმ თავმდაბლებს შორის, რომლებიც დასახლდებიან დედამიწაზე (წაიკითხე ფსალმუნი 36:11, 29, შემდეგ „შემეცნებიდან“ განიხილე 88-ე გვერდზე მოცემული მე-20 აბზაცი). ეს იმედი სიკვდილის შიშში მცხოვრებ მილიონობით ადამიანს ანუგეშებს. ეს წიგნი დაგეხმარებათ ამ საკითხის უკეთ გაგებაში. შემიძლია, გიჩვენოთ?»
6 თუ მარტივ შეთავაზებას ამჯობინებ, შეგიძლია მომდევნოს თქმა:
◼ «მსურს, გაჩვენოთ ილუსტრაცია ამ წიგნში, რომელსაც ჰქვია „მარადიულ სიცოცხლემდე მიმყვანი შემეცნება“. შესანიშნავი სურათია, არა?» ისე გადაშალე წიგნი, რომ მობინადრეს შეეძლოს მე-4 და მე-5 გვერდების დანახვა. საშუალება მიეცი, გიპასუხოს. შემდეგ წაიკითხე მე-5 გვერდზე მოცემული აზრები. დაასრულე შემდეგი სიტყვებით: „თქვენ შეგიძლიათ დაიტოვოთ ეს წიგნი წასაკითხად“. მოილაპარაკეთ დროზე, რომელიც ხელსაყრელი იქნებოდა ყოველი დაინტერესებული პიროვნების განმეორებითი მონახულებისთვის.
7 ჩვენ გვაქვს ღვთის შემეცნება, რომელიც ცხოვრებისეულ მნიშვნელოვან შეკითხვებზე პასუხობს. გულმოდგინედ მოემზადე და იეჰოვა აკურთხებს შენს ძალისხმევას, სასიცოცხლოდ მნიშვნელოვანი ინფორმაცია გაუზიარო მათ, რომლებიც ჭეშმარიტებას ეძებენ.