საჭიროა ბიბლიის მეტი შესწავლები
1 იეჰოვა ღმერთი დედამიწაზე არსებულ თავის ორგანიზაციას მუდმივი ზრდით აკურთხებს. გასულ სამსახურებრივ წელს მსოფლიოში 375 923 მოინათლა — საშუალოდ 1 000-ზე მეტი ახალი მოწაფე ყოველდღე და დაახლოებით 43 ყოველ საათში! მიუხედავად გაჭირვებისა, რომელსაც ჩვენი ძმები ათწლეულების მანძილზე ხვდებიან, მსოფლიოს სხვადასხვა ადგილში სამეფოს საქმე ყვავის და ზრდა თვალსაჩინოა. რამდენად ამაღელვებელია კეთილი ცნობის გავრცელებაში წარმატებების წაკითხვა!
2 რუსეთში არსებულ ფილიალში გასულ სამსახურებრივ წელს ჩვენც ვნახეთ მაუწყებელთა და დამხმარე პიონერთა საშუალო რიცხვის, სამქადაგებლო მსახურებაში გატარებული საათებისა და გავრცელებული ბროშურებისა და ჟურნალების რაოდენობის ზრდა. გაიზარდა მონათლულთა რიცხვი და გახსენების საღამოზე არნახული დასწრება იყო. მაგრამ რა შეგვიძლია ვთქვათ განმეორებით მონახულებებსა და ბიბლიის შესწავლებზე? თუმცა განმეორებითი მონახულებების რიცხვი გაიზარდა, ბიბლიის შესწავლების რაოდენობა 7-ზე მეტი პროცენტით შემცირდა. მაგრამ მოწაფეების მომზადების საქმეში ბიბლიის შესწავლები მთავარ როლს ასრულებს. რა შეუძლია თითოეულ ჩვენგანს გააკეთოს შემცირებული ბიბლიის შესწავლების გასაზრდელად?
3 შესწავლის ჩატარების სურვილის გაძლიერება. პირადად უნდა ვეცადოთ, რომ სულიერად ძლიერები და აქტიურები ვიყოთ. ქრისტეს ჭეშმარიტი მიმდევრები ‘კეთილი საქმეების მოშურნეები’ არიან (ტიტ. 2:14). როდესაც ვაანალიზებთ ჩვენს მსახურებას შეგვიძლია ვთქვათ, რომ მონდომებულები ვართ განმეორებით მოვინახულოთ ყველა, ვისაც ლიტერატურა დავუტოვეთ? მზად ვართ ბიბლიის შესწავლის შესათავაზებლად მათთვის, ვინც კი ინტერესს ავლენს? (რომ. 12:11). თუ გვჭირდება მეტი მონდომება განმეორებითი მონახულებისა და ბიბლიის საშინაო შესწავლის დაწყებისთვის?
4 ბიბლიის კითხვა, შეხვედრებზე რეგულარული დასწრება და პუბლიკაციების სწავლა შეგვინარჩუნებს სულიერ ხალისსა და ღვთის სულით ბოძებულ სიმტკიცეს. (ეფეს. 3:16–19). ეს გააძლიერებს ჩვენს რწმენას, იეჰოვასადმი ნდობასა და მოყვასისადმი სიყვარულს. აღძრულნი ვიქნებით, ვასწავლოთ ჭეშმარიტება სხვას და გავხადოთ ჩვენი მსახურება საინტერესო, წარმატებული და გამამხნევებელი. დიახ, ჩვენ უნდა გვინდოდეს ბიბლიის მეტი შესწავლები!
5 პირველად საკუთარ ოჯახთან შეისწავლე. ქრისტიანი მშობლები, რომელთა შვილებიც მათთან ცხოვრობენ, დაინტერესებულები უნდა იყვნენ ბიბლიის რეგულარული ოჯახური შესწავლის პროგრამით (რჯ. 31:12; ფსალმ. 148:12, 13; იგავ. 22:6). ძალიან სასარგებლო იქნებოდა, რომ მშობლებს ბავშვებთან შეესწავლათ ბროშურა „რას მოითხოვს“ და შემდეგ წიგნი „შემეცნება“ მათ მოუნათლავ მაუწყებლებად და შემდეგ მიძღვნისა და მონათვლისთვის მოსამზადებლად. რა თქმა უნდა, შეიძლება დამატებითი მასალის განხილვა ბავშვის საჭიროებისა და ასაკის გათვალისწინებით. მშობელს, რომელიც ასწავლის მოუნათლავ შვილს შეუძლია ჩაიწეროს კვირის განმავლობაში ჩატარებული შესწავლის ერთი საათი და ერთი განმეორებითი მონახულება.
6 გაიუმჯობესე ორგანიზება. თუ მხედველობაში მივიღებთ გავრცელებული ჟურნალების, ბროშურებისა და წიგნების რაოდენობას, უეჭველია, რომ თესლი უხვად ითესება. ჭეშმარიტების ამ თესლმა შეიძლება უამრავი ნაყოფი გამოიღოს ახალი მოწაფეების მომზადებაში. მაგრამ იქნება ფერმერი ან მებაღე ნამდვილად კმაყოფილი თუ გამუდმებით რგავს, მოსამკელად კი ვერ იცლის? რა თქმა უნდა, არა. მსგავსადვე დგას საქმე მსახურებასთან დაკავშირებით.
7 რეგულარულად გეგმავ დროს განმეორებითი მონახულებისთვის? მალევე მოინახულე განმეორებით ყველა, ვინც დაინტერესდა. იმ მიზნით მოინახულე განმეორებით, რომ ბიბლიის შესწავლა დაიწყო. აკეთებ სუფთა, საჭირო და ზუსტ ჩანაწერებს განმეორებითი მონახულებისას? მობინადრის სახელსა და მისამართთან ერთად ჩაიწერე პირველი მონახულების თარიღი, დატოვებული ლიტერატურა, მოკლედ აღნიშნე თუ რა იყო განხილული და რაზე იქნება საუბარი შემდეგი შეხვედრისას. ჩანაწერებში დატოვე ადგილი ინფორმაციისთვის, რომელიც დაემატება ყოველი განმეორებითი მონახულების შემდეგ.
8 გაანალიზე, როგორ გააკეთო განმეორებითი მონახულება. რა უნდა გახსოვდეს, როდესაც განმეორებით ინახულებ დაინტერესებულ პიროვნებას? 1) იყავი გულთბილი, მეგობრული, ენთუზიაზმით აღსავსე და არაოფიციალური. 2) განიხილე თემები ან კითხვები, რომლებიც მას აინტერესებს. 3) განხილვა წარმართე უბრალოდ და ბიბლიის გამოყენებით. 4) ყოველი მისვლისას ეცადე მობინადრეს ასწავლო რაიმე, რაც მისთვის მნიშვნელოვანი იქნება. 5) დააინტერესე იმ თემაზე, რომელსაც შემდეგ შეხვედრაზე განიხილავთ. 6) ძალიან დიდი დრო არ წაართვა. 7) არ დაუსვა შეკითხვები, რომლებიც შეაცბუნებს ან უხერხულობაში ჩააგდებს. 8) გამოავლინე შორსმჭვრეტელობა და ნუ განსჯი მობინადრის მცდარ შეხედულებებს ან ცუდ ჩვევებს სანამ სულიერად არ გაიზრდება. იხილე 1997 წლის მარტის „ჩვენი სამეფო მსახურების“ დანართი დამატებითი დახმარებისთვის, თუ როგორ შეიძლება გაკეთდეს განმეორებითი მონახულებები წარმატებით და დაიწყოს ბიბლიის შესწავლები.
9 მოსინჯე ყოველი შესაძლებლობა. ერთ კრებაში შეძლეს, მოენახათ უსაფრთხოების მიზნით მკაცრად დაცულ შენობაში ყველა მცხოვრების ბინის ნომერი და მათი სახელები. წერილები იქნა დაწერილი ყოველი ოჯახისთვის და თან დართული იყო ორ-ორი ტრაქტატი. წერილის ბოლოს შეთავაზებული იყო ბიბლიის საშინაო შესწავლა და ტელეფონის ნომერი, ასე რომ, ადრესატს შეეძლო დარეკვა. რამდენიმე დღეში ახალგაზრდა მამაკაცმა დარეკა და ითხოვა, ესწავლებინათ ბიბლია. განმეორებითი მონახულება მომდევნო დღესვე გაკეთდა და დაიწყო შესწავლა წიგნით „შემეცნება“. იმავე საღამოს ის დაესწრო კრების წიგნის შესწავლას, რის შემდეგაც რეგულარულად ესწრებოდა სხვა შეხვედრებსაც. მან თითქმის მაშინვე დაიწყო ბიბლიის ყოველდღიურად კითხვა, სწრაფად წაიწია წინ და მალე მოინათლა.
10 მსახურებაში მანქანით გასულმა მაუწყებლებმა გადაწყვიტეს ზოგიერთი განმეორებითი მონახულება ერთად გაეკეთებინათ. ერთ-ერთი განმეორებითი მონახულებისას პიროვნება, რომლის მონახულებაც დას სურდა სახლში არ დახვდა, მაგრამ სხვა ახალგაზრდა ქალმა გააღო კარი და უთხრა: „მე თქვენ გელოდით“. მობინადრეს ადრე ნაცნობისგან მიღებული ჰქონდა წიგნი „შემეცნება“. იმ დროისთვის, როდესაც დებმა დარეკეს კარზე, მას წიგნი უკვე ორჯერ ჰქონდა წაკითხული და ძალიან აღტაცებული იყო მასში მოცემული ინფორმაციით. მან თქვა, რომ არ გაჰკვირვებია მოწმეების დანახვა ამ დღეს თავის კართან, რადგან ლოცულობდა, რომ ისინი მისულიყვნენ და ესწავლებინათ მისთვის ბიბლია. შესწავლა დაიწყო. მან დაიწყო კრების შეხვედრებზე დასწრება და სწრაფად წაიწია წინ.
11 დამ, რომელიც დაახლოებით 25 წელია, რაც მონათლულია, რამდენიმე ხნის წინ მისცა დედას წიგნი „შემეცნება“. დედამისმა, რომელიც ეკლესიის წევრი იყო, დაიწყო წიგნის კითხვა. ორი თავის წაკითხვის შემდეგ მან დაურეკა თავის ქალიშვილს და, მისდა გასაოცრად, უთხრა: „მინდა იეჰოვას მოწმე გავხდე!“. ამ მანდილოსანმა შესწავლა დაიწყო და ახლა მონათლულია.
12 გამოიყენე ეს რჩევები. შეგითავაზებია როდისმე პირდაპირ შესწავლის დაწყება? შეგიძლია უბრალოდ თქვა: „თუ გსურთ ბიბლიის უფასო საშინაო შესწავლა, შემიძლია სულ რამდენიმე წუთში გაჩვენოთ, როგორ კეთდება ეს. თუ მოგეწონებათ, შეგიძლიათ გააგრძელოთ“. მრავალი უყოყმანოდ იღებს ასეთ შეთავაზებას და ისმენს ბიბლიის შესწავლის ინსცენირებას.
13 შესწავლის დასაწყისშივე აჩვენე შემსწავლელს, როგორ მოემზადოს შესწავლისთვის მითითებული მუხლების წაკითხვითა და იმ სიტყვებისთვის ხაზის გასმით, რომლებიც მოცემულ შეკითხვებს პასუხობს. ყურადღება გაამახვილე მხოლოდ მთავარ აზრებზე. თუმცა პირველი შეხვედრებისას შეიძლება დაგვჭირდეს ვიყოთ ცოტა შემგუებელნი, მნიშვნელოვანია, რომ ბიბლიის შესწავლას რეგულარული სახე მიეცეს. გაიაზრე როგორ წარუდგინო ლოცვა როგორც შესწავლის აუცილებელი ნაწილი და როგორ მოამზადო შემსწავლელი, რომ ბიბლიის მეშვეობით წინააღმდეგობა დაძლიოს. დიდი ძალისხმევა მოახმარე შესწავლის საინტერესოდ ჩატარებას.
14 რა თქმა უნდა, ბიბლიის ყოველი შემსწავლელი ერთნიარად არ გაიზრდება სულიერად. ზოგს არ შეუძლია, როგორც სხვებს, სწრაფად აითვისოს ნასწავლი საკითხები. ზოგი ძალიან დაკავებულია და არ შეუძლია გამოყოს დრო მთელი თავის წასაკითხად კვირის განმავლობაში. ამიტომ ზოგ შემთხვევაში შეიძლება აუცილებელი იყოს ერთზე მეტი შეხვედრის ჩატარება განსაზღვრული თავების შესასწავლად და რამდენიმე დამატებითი თვე — წიგნის დასამთავრებლად. ზოგიერთ სხვა შემთხვევაში შეიძლება შესწავლა ბროშურის „რას მოითხოვს“ გამოყენებით დაიწყო და შემდეგ გააგრძელო წიგნით „შემეცნება“. ყოველივე ამასთან ერთად, კრების შეხვედრებზე დასწრება შემსწავლელს რწმენის განმტკიცებაში დაეხმარება.
15 ყველაფერ ზემოხსენებულთან ერთად, ილოცე ბიბლიის შესწავლის დაწყებაზე! (1 იოან. 3:22). ქრისტიანისთვის სიხარულის მომგვრელია ის ფაქტი, რომ იეჰოვა იყენებს მას, რათა დაეხმაროს ვინმეს, გახდეს იესო ქრისტეს მოწაფე (საქ. 20:35; 1 კორ. 3:6–9; 1 თეს. 2:8). ახლა დროა გამოვავლინოთ უდიდესი ენთუზიაზმი ბიბლიის სწავლების საქმეში, სრულიად დარწმუნებულებმა, რომ იეჰოვა უხვად აკურთხებს ჩვენს მცდელობებს, დავიწყოთ ბიბლიის უფრო მეტი შესწავლა!
[ჩანართი 3 გვერდზე]
ლოცულობ ბიბლიის ახალი შესწავლის დაწყებაზე?