იყენებ ბიბლიის შესწავლების დასაწყებად ბროშურას „რას მოითხოვს“?

¹ ცნობილია თუ არა შენთვის, რომ, თუ დაინტერესებულ ადამიანთან რეგულარულად საუბრობ ბიბლიურ თემებზე (თუმცა ეს საუბრები შეიძლება ხანმოკლე იყოს) და რეკომენდებული პუბლიკაციებიდან გარკვეულ მასალას განიხილავ, უკვე ბიბლიის შესწავლას ატარებ? დიახ, ეს ასეა მაშინაც კი, თუ შესწავლას კართან ან ტელეფონით ატარებ. ხომ არ ეცდებოდი, მაისსა და ივნისში განსაკუთრებული ძალისხმევა გამოგევლინა და ბროშურის „რას მოითხოვს“ გამოყენებით შესწავლა დაგეწყო?

² მოემზადე, იმისათვის რომ წარმატებას მიაღწიო: ბროშურის „რას მოითხოვს“ შეთავაზებისას ნათლად გქონდეს გააზრებული, თუ რაზე ისაუბრებ. თუ განმეორებით მონახულებაზე მიდიხარ, გაიხსენე, პირველი მონახულებისას რაზე ისაუბრეთ. საკუთარ თავს დაუსვი კითხვა: „ბროშურიდან რომელ აბზაცებზე გავამახვილებდი ყურადღებას, რათა მათზე ამეგო საუბარი და ბიბლიის შესწავლა დამეწყო? კარდაკარ მსახურებისას განსაზღვრული გქონდეს, რომელი საკითხები იქნებოდა საინტერესო მოზარდებისთვის, ხანში შესულებისთვის, მამაკაცებისა თუ მანდილოსნებისთვის. გადახედე ბროშურაში მოცემულ თემებს და ამოარჩიე კონკრეტული შემთხვევებისთვის საინტერესო საკითხები. მას შემდეგ, რაც უკვე გადაწყვეტ, რას იტყვი, რამდენჯერმე გაივარჯიშე, თუ როგორ იტყვი ამას. ეს წარმატების საუკეთესო საწინდარია.

³ 2002 წლის იანვრის „ჩვენი სამეფო მსახურების“ ჩანართში მოცემულია რვა «შეთავაზება ბროშურისთვის „რას მოითხოვს“». ჩარჩო „როდესაც პირდაპირ ბიბლიის შესწავლას ვთავაზობთ“ გვიჩვენებს, თუ როგორ გამოვიყენოთ ბროშურა ბიბლიის შესწავლის დასაწყებად. შეგიძლია მოსინჯო პირველი რჩევის შემდეგნაირად გამოყენება:

◼ „იცოდით თუ არა, რომ მხოლოდ რამდენიმე წუთში შეგიძლიათ მნიშვნელოვან ბიბლიურ შეკითხვებზე პასუხების პოვნა? მაგალითად, რატომ არსებობს ასე მრავალი რელიგია, რომლებიც აცხადებენ, რომ ქრისტიანები არიან? ოდესმე დაფიქრებულხართ ამაზე?“. პასუხის მიღების შემდეგ გადაშალე მე-13 გაკვეთილზე და განიხილე პირველი ორი აბზაცი. თუ დრო საშუალებას გაძლევთ, წაიკითხე და განიხილე ერთი ან ორი ბიბლიური მუხლი. შემდეგ წაიკითხე გაკვეთილის თავში მოცემული ბოლო კითხვა და დასძინე: „შემდგომ ამ თავში გაშუქებულია ხუთი ნიშანი, რითაც ჭეშმარიტი რელიგიის ამოცნობაა შესაძლებელი. დიდი სიამოვნებით მოვიდოდი თქვენთან კვლავ და განვიხილავდი მათ“.

⁴ ფარ-ხმალს ნუ დაყრი: გამოიყენე ნებისმიერი შესაძლებლობა, რათა დაინტერესებულ ადამიანს აჩვენო, როგორ შეიძლება ბროშურის „რას მოითხოვს“ გამოყენებით ბიბლიის შესწავლის ჩატარება. სთხოვე იეჰოვას კურთხევა (მათე 21:22). ფარ-ხმალს ნუ დაყრი, ნუ მოდუნდები და თავად გამოსცდი იმ სიხარულს, რომელიც სასიხარულო ცნობაზე გამოხმაურებაში სხვებისთვის დახმარებას მოაქვს!