ბავშვებო, თქვენ ჩვენი სიხარული ხართ!
1 ბავშვებო, იცით, რომ იეჰოვამ ბრძანა, თქვენც მიიღოთ კრების საქმიანობაში მონაწილეობა? (რჯლ. 31:12; ფსალმ. 126:3). სასიხარულოა, რომ ჩვენ იეჰოვას ერთად ვემსახურებით! ჩვენს გულს ახარებთ, როდესაც კრებაზე წყნარად სხედხართ და ყურადღებით ისმენთ. განსაკუთრებით გვსიამოვნებს, როდესაც ცდილობთ, თქვენი სიტყვებით გააკეთოთ კომენტარი. მთელი კრება კმაყოფილია, როდესაც მონაწილეობას იღებთ „თეოკრატიული სამსახურის სკოლაში“, როდესაც მთელი მონდომებით გვიერთდებით სამქადაგებლო მსახურებაში, და როდესაც ვგებულობთ, რომ თამამად უმოწმებთ თანაკლასელებსა და მასწავლებლებს (ფსალმ. 148:12, 13).
2 გვსურს იცოდეთ, რომ ჩვენ ვამაყობთ თქვენით, როდესაც ვხედავთ თქვენს კარგ მანერებს, აკურატულ გარეგნობას, წესიერ ქცევასა და უფროსებისადმი პატივისცემას. განსაკუთრებით მაშინ ვხარობთ, როცა თქვენი თეოკრატიული მიზნების დასახვით ავლენთ, რომ ‘გახსოვთ თქვენი შემოქმედი’ (ეკლ. 12:1; ფსალმ. 109:3).
3 მოგვიყევით თქვენი მიზნები. ერთმა რვა წლის ბიჭუნამ თავისი სამომავლო გეგმები საოლქო ზედამხედველს გაანდო: «ჯერ მსურს მოვინათლო, მერე კრებას მოვემსახურო ხმის გამაძლიერებელ სისტემაში, მონაწილეობა მივიღო მიკროფონების ტარებაში, ვიყო მომსახურე, დავეხმარო ლიტერატურის განაწილებაში, ვკითხულობდე წიგნის შესწავლასა და „საგუშაგო კოშკის“ შესწავლაზე. შემდეგ მსურს, გავხდე სამსახურებრივი თანაშემწე, მერე უხუცესი. აგრეთვე მსურს პიონერობა და პიონერთა სკოლის დასწრება. შემდეგ კი ბეთელში მსახურება, მსურს გავხდე სარაიონო ან საოლქო ზედამხედველი». რა მშვენიერი მადლიერება გამოავლინა ამ ბიჭუნამ ღვთისადმი მსახურების უპირატესობისადმი!
4 თქვენს ფიზიკურ და სულიერ ზრდასთან ერთად ჩვენ მოხარული ვართ, ვიხილოთ თქვენი მიზნების შესრულება (შეადარე ლუკა 2:52). ყოველ წელს, ათასები თქვენგან მოუნათლავი მაუწყებლები ხდებიან და შემდეგ იეჰოვასადმი თავის მიძღვნის ნიშნად ნათლობისთვის ემზადებიან. ჩვენი სიხარული იზრდება, როდესაც გხედავთ, რომ დამხმარე პიონერობას და სრული დროით მსახურებასაც კი იწყებთ. ბავშვებო, თქვენ ნამდვილად ჩვენი სიხარული ხართ და იეჰოვას, ჩვენი ზეციერი მამის, ქების შესანიშნავი წყარო. დაე უხვად გაკურთხოთ იეჰოვამ! (იგავ. 23:24, 25).