მეფეების დროიდან იერუსალიმის აღდგენის დრომდე

ამ ნაწილში თხრობას მეფე საულის ვაჟის, იონათანის, ისტორიით დავიწყებთ და მომდევნო 6 საუკუნის განმავლობაში მცხოვრები ღვთის მსახურების ისტორიებს მიმოვიხილავთ. გავეცნობით ისრაელის პირველი ღვთისმოშიში მეფის, დავითის, ამბავს, აგრეთვე აბიგაილის, ნათანის, ელიას, დანიელის, ესთერის, ნეემიასა და სხვების გამამხნევებელ შემთხვევებს. მათ დიდი გაბედულება სჭირდებოდათ, რადგან ზოგიერთს ისეთ დროს უწევდა მმართველობა, როცა ხალხი იეჰოვას ეურჩებოდა, ზოგიც ისეთ დროს ცხოვრობდა, როცა ქვეყნის სათავეში ორგული მეფე იდგა, ზოგი კი ბოროტებაში გახვეულ ხალხს აფრთხილებდა და მოუწოდებდა, დაბრუნებოდა თავის ღმერთს.