Ĩsomo ya 16

Ũtwʼi Waku wa Kũthũkũma Ngai

No nginya wĩke ata nĩ kenda ũtwʼĩke mũnyanya wa Ngai? (1, 2)

Wĩĩka ata nĩ kenda wĩke wĩyumyo kwa Ngai? (1)

Nĩ ĩndĩĩ waĩlĩtwe nĩ kũvatiswa? (2)

Ũtonya ata kũkwata vinya wa kwĩkala wĩ mũĩkĩĩku kwa Ngai? (3)

1. Nĩ kenda ũtwʼĩke mũnyanya wa Ngai, no nginya ũkwate ũmanyi mũseo wa wʼo wa Mbivilia (1 Timotheo 2:3, 4), wĩkĩe mũĩkĩĩo nthĩnĩ wa maũndũ ala wĩmanyĩĩtye (Aevelania 11:6), ũalyũũle ngoo kũkonanʼya na naĩ syaku (Meko 17:30, 31), na wĩthyũũe nthĩnĩ wa mũatĩĩle wa thayũ waku. (Meko 3:19) Nĩvo ĩndĩ wendo waku kwa Ngai waĩlĩtwe nĩ kũũtindĩka wĩyumye kwondũ wake. Ũu nĩ kwonanʼya kana nthĩnĩ wa mboya yaku mwene, ĩteũlikya andũ angĩ nthĩnĩ, wĩmũtavya kwĩthĩwa wĩĩnengane kwake wĩke kwenda kwake.—Mathayo 16:24; 22:37.

2. Wamina kwĩka wĩyumyo waku kwondũ wa Ngai, nĩwaĩlĩtwe ũvatiswe. (Mathayo 28:19, 20) Ũvatiso ũtumaa kĩla mũndũ amanya kana nĩwĩyumĩtye mwene kwondũ wa Yeova. Kwoou ũvatiso no kwa ala me oka me yĩika yĩtoetye kwĩka ũtwʼi wa kũthũkũma Ngai. Yĩla mũndũ wavatiswa, mwĩĩ wake wʼonthe nĩwaĩlĩtwe nĩ kũindwa kĩwʼũnĩ kwa kavinda kakuvĩ.a—Maliko 1:9, 10; Meko 8:36.

3. Wamina kwĩka wĩyumyo, Yeova akeekwatya ũtũsye mwĩkalĩle wa thayũ waku kwĩanana na watho waku. (Savuli 50:14; Mũtavanʼya 5:4, 5) Ndevili akatata kũkũũngamya kũthũkũma Yeova. (1 Vetelo 5:8) Ĩndĩ thengeea Ngai mboyanĩ. (Avilivi 4:6, 7) Ĩmanyĩsye Ndeto yake kĩla mũthenya. (Savuli 1:1-3) Lũmanʼya na yũmbano vakuvĩ-vakuvĩ. (Aevelania 13:17) Kwa kwĩka ũu wʼonthe, ũkakwata vinya wĩkale wĩ mũĩkĩĩku kwa Ngai. Kwa nzĩa ĩsu ũkeethĩwa ũtonya kwĩka tene na tene maũndũ ala Ngai wendaa wĩke!

[Maelesyo ma Kwongeleela]